Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Opozita pa mandate, zëdhënësja e Mogerinit bën thirrje për diskutime konstruktive

Politiko 18 Shkurt 2019, 19:41
Opozita pa mandate, zëdhënësja e Mogerinit bën thirrje

Zëdhënësja e Bashkimit Europian, Maja Koçijançiç është kundër vendimit të opozitës së bashkuar për djegien e mandateve, si aktin e vetëm politik të mbetur për të ndryshuar situatën në vend. Sipas saj, BE pret nga qeveria dhe opozita të angazhohen në diskutime konstruktive me qëllim tejkalimin e situatës aktuale politike. Po ashtu, ajo vlerëson protestën e së shtunë të thirrur nga opozita, por është e pakënaqur se u dëmtua prona publike, siç ishin disa xhama te dera kryesore e Kryeministrisë.

“E drejta e qytetarëve për t’u angazhuar në demonstrata paqësore është një element thelbësor dhe një vlerë thelbësore e çdo demokracie të pjekur dhe duhet të garantohet. Sidoqoftë, përdorimi i veprimeve të dhunshme dhe dëmtimi i pronës publike siç u pa të shtunën e kaluar në qendër të Tiranës, nuk janë të pranueshme. Parlamenti është baza e çdo demokracie europiane – është një vend ku debatet për reformat dhe zhvillimet përkatëse duhet të diskutohen dhe të merren përpara, e jo të bojkotohen. Thirrjet e disa anëtarëve të partive opozitare për të bojkotuar parlamentin dhe për deputetët që të heqin dorë nga mandati i tyre aktual janë kundërproduktive dhe shkojnë kundër përpjekjeve të vendit për zbatimin e reformave të kërkuara nga BE. Presim që qeveria dhe opozita të angazhohen në diskutime konstruktive me qëllim tejkalimin e situatës aktuale politike”, theksoi Maja Koçijançiç për ATSH.

Të fundit