Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pacinetët, viktima, jo të fatit, por të mjekësisë së sëmurë që kemi…

Politiko 1 Gusht 2017, 13:48

Jo vetëm drejtorët e spitaleve, por edhe mjekët, infermieret e deri tek sanitaret e rojet kanë përgjegëjsi për gjendjen e mjeruar të spitaleve dhe shërbimit. Shpreshherë ata, me paaftësinë apo me dëshirën për të fituar para nga fatkeqësia e të tjerëve, i shtyjnë pacientët dhe të afërmit e tyre drejt veprimeve ekstreme. Rasti i Shkodrës është tipik i shpërdorimit të detyrës, kur mjeku, sado i aftë të jetë, nuk i firmos rekomandimin pacientes, sepse ajo nuk ka mundësi ta paguajë nën dorë. Nuk do mend që këtu bie era korrupsion… Nuk ka faj aspak qytetari që e sorollat mjeku, që nuk i jep rekomandim, që e detyron që me ato pak lekë që ka për të mbjatur fëmijët, të blejë ilaçe për të jetuar… Para se të gjykosh fatkeqin, le të gjykohet mjeku, t’i kërkohet llogari për veprimet dhe mosveprimet e tij.

Shpresa Kopliku është pacientja e kirurgut Besmir Grizhja. Mjeku u godit tri ditë më parë nga bashkëshorti i saj Ali Kopliku (sot është në kërkim), me pretendimin se nuk ka firmosur rekomandimin që gruaja e tij të marrë me rimbursim një ilaç të shtrenjtë. Dje, Shpresa Kopliku hodhi poshtë pretendimet e spitalit të Shkodrës, por edhe të vetë mjekut Grizhja, i cili një ditë më parë deklaroi se Aliu nuk ia blinte ilaçet gruas së tij dhe se ai e ka ndihmuar disa herë të sëmurën. Po pse mjeku i ka bërë nder të sëmurës? E ka për detyrë mjeku sepse e paguan shteti, pacientët, taksapaguesit? Apo do pagesë ekstra nga xhepi i shpuar i pacientëve?

Si në rastin e gjyqtarëve, prokurorëve, etj. edhe mjekët mbështesin njëri –tjetrin dhe denoncojnë dhunë, po kurrë ata nuk kanë denocuar kolegët për veprimet dhe mosveprimet e tyre tragjike që u kanë marrë jetën pacientëve. Jo më larg në Elbasan, nga pakujdesia, paaftësia e mjekes e neglizhenca e spitalit humi jetën një vajzë e re. Po ashtu ndodhi në Tiranë, kudo. A protestuan kolegët për paaftësinë e kolegut të tyre? Apo u gjet justifikimi, “sëmundje e rrallë”, “e fshehur”?!

Rrëfimi i Shpresa Koplikut është rrënqethës: “Kam 5 muaj që më trajton kirurgu Besmir Grizhja. Kam qenë shumë keq. Kam shkuar edhe në Tiranë, por atje më thanë se “e ke mjekun në Shkodër”, ndaj dhe erdha këtu. Unë kam vënë protezë dhe më ka rënë trombozë. Është një ilaç që unë e marr me rimbursim. Marr rekomandim te mjekja e lagjes dhe kirurgu që më ka trajtuar. Kam tre muaj që këtë ilaç nuk e marr më, por e blej. Kam faturat dhe letrat e doktorëve të Tiranës që këtë ilaç prej tre muajsh e blej. Vetëm një kokërr bën 350 lekë të rinj. Unë kam vetëm 78 mijë lekë të vjetër KEMP, burrin invalid, edhe ai me KEMP, ndërsa kam dy fëmijë, një 5 vjeç dhe një 4 vjeç. Unë nuk i kam kërkuar asgjë kirurgut. Nuk i ka bërë askush presion asnjëherë. I kam kërkuar që të plotësojë rekomandimin siç e kërkon Tirana në mënyrë që të marr ilaçin me rimbursim, por ai nuk e ka bërë këtë gjë prej tre muajsh. Ai është kirurg dhe duhet ta dijë. Nuk më ka dhënë asnjë arsye se përse nuk e firmos rekomandimin. Unë jam kthyer nga Tirana dy herë vetëm prej tij, vetëm se nuk e plotëson këtë rekomandim. Te Ministria e Shëndetësisë dhe në QSUT jam ankuar sepse jam kthyer mbrapsht dy herë për faj të kirurgut Grizhja”.

Njerëzve u ka ardhur shpirti në majë të hudës nga kjo kategori mjekësh apo nëpunësisht abuzues, që sorollatin me muj e vite të tërë qytetarët e këtij vendi, vetëm e vetëm se duan të përfitojnë padrejtësisht nga xhepi i tyre i varfër…

Kjo është shëndetësia e Ramës, e Beqjes e kompani, që zor s’e bëhet një ditë… Fakirët e pacinetët fatkeqë do të jenë gjithmonë viktima, jo të fatit, por të mjekësisë që s’e kemi… ashtu si duhet!