Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pacolli kundër bisedimeve për ndarjen e Kosovës: Do ishte shkelje e sovranitetit

Politiko 28 Korrik 2018, 21:40
Pacolli kundër bisedimeve për ndarjen e Kosovës: Do ishte shkelje

Ministri i Jashtëm i Kosovës, Behgjet Pacolli, thotë se një ndarje e vendit si zgjidhje e problemeve me Serbinë do të ishte shkelje e sovranitetit dhe askush në Kosovë nuk do të ishte i gatshëm për të një diskutim të tillë.

Në një intervistë për Zërin e Amerikës, ai tha se ka shumë probleme të tjera për t’u zgjidhur me Serbinë para se të shtrohet kjo çështje.

“Unë nuk kam dëgjuar deri më tash se është diskutuar për ndarje të Kosovës. Deri tash ka pasur vetëm zëra për këtë çështje. Por, nëse  këta zëra janë të vërtetë do të kemi shkelje të sovranitetit të Kosovës. Mirëpo, një temë e tillë tash është e rëndë të disktutohet. Kemi tema të tjera që duhet të bisedohet me Serbinë. Deri më tash nuk është diskutuar askund për çështjen e ndarjes së Kosovës”, ka thënë Pacolli.

Ai ka treguar se miqtë nga Amerika kanë kërkuar që në dialog me Serbinë të ketë unitet poltikë të Kosovës. Pacolli ka folur edhe për çeshtjen e kompormiseve mes Kosovës dhe Sërbisë, transmeton ‘Zëri’.

“Kosova është shumë e vogel. S’kemi çka t’i ofrojmë askujt. Ne kemi dhënë çdo gjë deri tash. Tash duhet të jemi unik në dialog. Kërkohet po ashtu të ketë edhe një kompromis të madh. Por, tash nuk mund të flas asgjë për këtë kompromis. As në Kosovë nuk kemi diskutuar për çështje kompromisi”.

Pacolli ishte në Washington për të marrë pjesë në Ministerialin e Departamentit të Shtetit mbi Lirinë Fetare.

Të fundit