Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pacolli-Mogherinit: Liberalizimi i vizave është hap vendimtar për kosovarët

Politiko 29 Shtator 2017, 13:01
Pacolli-Mogherinit: Liberalizimi i vizave është hap vendimtar për

“Liberalizimi i vizave për Kosovën është hapi vendimtar, që duhet kryer tani sepse ndikon fuqishëm në perspektivën e të rinjve kosovarë, që janë të edukuar mirë, me mendje të hapur dhe për një Kosovë me frymë të re evropiane”, deklaroi të premten në Bruksel ministri i jashtëm i Kosovës, Behxhet Pacolli gjatë takimit me përfaqësuesen e lartë të Bashkimit Evropian për Politikë të Jashtme dhe Siguri, Federica Mogherini.

Nga ana e saj, përfaqësuesja e Lartë e BE-së-së, Mogherini, ka ndarë të njëjtin vlerësim për rininë dhe shoqërinë kosovare, duke theksuar se viti i dytë i mandatit të këtij komisioni do të jetë vendimtar për integrimin evropian të rajonit, të Kosovës dhe pse jo për çështjen e liberalizimit të vizave në veçanti.

Në vazhdim të takimit u diskutua edhe për fazën e re të dialogut për normalizimin e plotë të marrëdhënieve në mes Kosovës dhe Serbisë, raporton KosovaPress.

Në lidhje me këtë çështje Pacolli ka rikonfirmuar përkushtimin e institucioneve të Kosovës për dialog, duke e konsideruar se është shumë e rëndësishme që të ketë një afat kohor. Ndërsa Mogherini ka kërkuar zotim nga pala kosovare për implementimin e marrëveshjeve të arritura deri tani.

Perspektiva e përgjithshme evropiane e Kosovës dhe vendeve të rajonit; përmbushja e reformave të brendshme të vendeve, që synojnë anëtarësimin; fqinjësia e mirë dhe bashkëpunimi rajonal si ai i Procesit të Berlinit kanë qenë tema të tjera të zhvilluara në kuadër të këtij takimi.

Vizita e ministrit Pacolli në Bruksel është e para që kur ai pranoi detyrën e tij zyrtare. Gjatë qëndrimit në Bruksel ai ka takuar edhe përfaqësuesit e tjerë të lartë të BE-së nga Parlamenti Evropian, Komisioni, si dhe u prit në selinë qendrore të NATO-s nga zëvendës-Sekretarja e Përgjithshme e NATO-s, Rose Gottemoeller.

Të fundit