Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pagat mujore të presidentëve të rajonit; kush merr më shumë Meta apo Thaçi

Politiko 24 Shkurt 2018, 16:26

Sipas të dhënave të fundit zyrtare të publikuara, pagën më të lartë mujore në rajon e ka Presidenti i Sllovenisë, Borut Pahor. Siç thuhet në formularin e tij të deklaruar të pasurisë, të dorëzuar në Komisionin Zgjedhor, të ardhurat e tij mujore arrijnë në 3,322 euro.

Mbi 3,000 euro janë pagat mujore të presidentit kroat Kolinda Grabar-Kitaroviq dhe anëtarit të Presidencës së Bosnje dhe Herzegovinës. Sipas komisionit për Konflikt Interesi Grabar-Kitaroviç ka një pagë neto afër 3276 euro, ndërsa anëtari i Presidencës së BH fiton mesatarisht 3091 euro.

Komisioni Qendror i Zgjedhjeve i Bosnjës thekson se anëtarët e Presidencës, Bakir Izetbegoviç, Dragan Çoviç dhe Mladen Ivaniç marrin 2.862, 2.874 ose 3.536 euro në muaj.

Sipas të dhënave publike, presidenti i Serbisë ka një pagë trefish më të ulët se ajo kroate dhe ai boshnjak. fqinjët. Aleksandar Vuçiç merr 1.083 euro në muaj, që është paga më e vogël presidenciale në rajon.

Presidenti i Malit të Zi, Filip Vujanoviç merr pagën mujore neto prej 2,443 euro, ndërsa Presidenti i Kosovës Hashim Thaçi 2,873 euro.

Presidenti i Maqedonisë, Gjorge Ivanov (1,250 euro) dhe ai i Shqipërisë Ilir Meta (1,425 euro) fitojnë më pak se 2,000 euro në muaj.

Nëse krahasojmë të ardhurat presidenciale me pagën mesatare në rajon, rekorderë absolutë janë presidenti i Kosovës dhe anëtari i Presidencës së Bosnjë dhe Hercegovinës. Paga e Hashim Thaçi është pothuajse tetë herë më e lartë se paga mesatare, kurse paga e tre anëtarëve të Presidencës së Bosnjes është shtatë herë më e lartë se mesatarja në atë vend.

Presidentët e Kroacisë, Maqedonisë dhe Sllovenisë marrin paga mesatare tre herë më të larta në vendin e tyre, ndërsa presidenti i Serbisë merr dyfishin e pagës mesatare në Serbi.

Sipas të dhënave më të fundit statistikore zyrtare, pagat mesatare më të larta në rajon janë në Slloveni dhe Kroaci, dhe më të ulëtat në Maqedoni dhe Bosnjë e Hercegovinë. /tesheshi.com/

Të fundit