Pak orë larg zyrtarizimit, Manaj bashkohet me një shqiptar te Barcelona

Rey Manaj i është bashkuar ekipit të Barcelonës B dhe vetëm orët ndajnë zyrtarizimin e lojtarit me klubin katalanas. Ai ka lënë ekipin e Albacetes, madje ka nisur dhe stërvitjen me skuadrën e dytë të klubit kampion të Spanjës.

Lojtari i kombëtares sonë ka gjetur një tjetër shqiptar në Katalonja dhe ka niisur stërvitjen me të. Labinot Kabashi e ka mirëpritur shqiptarin dhe 19-vjeçari nuk ka hezituar të ndaj një foto në profilin e tij në Instagram. Ai shkruan në shqip: “Mir që erdhe vlla”. Manaj ka nisur stërvitjen me klubin e ri dhe po përgatitet në palestër i veshur me fanellën e Barcelonës.