Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Paketa anti-shpifje, Piciri: Në shenjë kundërshtimi, largohem nga mbledhja e Komisionit të Edukimit dhe Medias

Politiko 16 Dhjetor 2019, 14:41

Paketa anti-shpifje, Piciri: Në shenjë kundërshtimi, largohem nga

Deputeti Erion Piciri, njëkohësisht anëtar i Komisionit të Edukimit dhe Medias, ka kërkuar nga qeveria tërheqjen e dy projekt-ligjeve të paketës anti-shpifje, të cilat ai i konsideron si projekte të censurës.

Nëpërmjet një deklarate për shtyp, Piciri është shprehur se i bashkohet 15 organizatave vendase të gazetarëve e të shoqerisë civile si dhe 35 organizatave ndërkombëtare që kërkojnë tërheqjen e menjëhershme të këtyre dy projekt-ligjeve.

Ai gjithashtu u ka bërë thirrje deputetëve socialistë, të ngrihen në nivelin e ligjvënësve të përgjegjshëm dhe të mos lejojnë shkatërrimin e kontrollit të pushteteve.

“Në shenjë kundershtimi të plotë largohem sot nga mbledhja e Komisionit të Edukimit dhe Medias me bindjen se këto dy projekt-ligje nuk duhet të diskutohen nen per nen, por të refuzohen në princip si të papranueshme me frymën kushtetuese të demokracisë dhe të lirisë së shprehjes në Shqipëri”, deklaron Piciri.

Deklarata e plotë:

Në cilësinë e deputetit të Kuvendit të Shqipërisë dhe antarit të Komisionit të Edukimit dhe Medias i kërkoj qeverisë shqiptare të tërheqë dy projekt-ligjet e paketës anti-shpifje, që në fakt janë projekte të cenzurës, policisë politike dhe kapjes së mass-medias. I bashkohem thirrjes së opinionit të shëndetshëm publik, 15 organizatave vendase të gazetarëve e të shoqerisë civile si dhe 35 organizatave ndërkombëtare që kerkojnë tërheqjen e menjëhershme të këtyre dy projekt-ligjeve nga agjenda e parlamentit.

Shqipëria vuan prej 75 vjetësh (në mos më shumë) pasojat e një tradite të munguar demokratike dhe reflekseve sunduese të partisë-shtet. Ne jemi ende një vend pjesërisht i lirë, nga dhjetë të fundit të Europës (sipas Freedom House), vendi 82 nga 180 (sipas Reporters Ëithout Borders) në indeksin e lirisë së shtypit, me një rënie prej 7 vendesh vitin e fundit. Raporti i Reporterëve pa Kufij thotë se "Sulmet ndaj medias nga të dyja, qeveria dhe krimi i organizuar, arritën një nivel të paprecedent në vitin 2018". Kjo është e patolerueshme.

Une ju bëj thirrje deputetëve socialistë të këtij komisioni dhe të Kuvendit në tërësi, të ngrihen në nivelin e ligjvënësve të përgjegjshëm, të mos lejojnë sot një grusht institucional, të shkatërrimit të principeve demokratike, të ndarjes, balancimit dhe kontrollit të pushteteve. Tentativa diktatoriale e kapjes së medias është një akt anti-demokratik, anti-kombëtar dhe anti-europian, që e hedh Shqipërinë drejt modelit alla rus, të republikave të dështuara ish-sovjetike.

Ndonëse Partia Socialiste është pasardhese e Partisë Komuniste, ajo nuk duhet t'i rikthehet trashegimisë bolshevike, nuk duhet të lejojë më kurrë mendjet e semura të vënë dorë mbi shtetin ligjor dhe demokratik, mbi të drejtat themelore të individit. Nje karrierë politike ka vlerë kur i sherben lirive të kombit, jo kur nxjerr përfitime klanore nga nënshtrimi politik i tij. Një prijës apo kastë partie nuk mund të jenë kurrë mbi ndergjegjien, principet dhe vlerat e nje ligjvënësi. Koha t'i formësojnë partitë dhe prijësit, jo të infektohemi nga shpirti dekadent i pushtetarëve autoritarë.

Mass-media në Shqipëri ka problemet e veta dhe duhet të pastrohet nga ndikimet politike e korruptive, por këtë operacion duhet ta kryejë drejtësia, pjesa e shëndetshme e medias në aleancë me publikun, pa cenzurën e një prej tre qeverive më të korruptuara të Europës (sipas Transparency International). Shpifjet duhet të zgjidhen nga gjykatat civile, jo nga 'gjykatat' politike të institucioneve administrative të emëruara nga mazhorancat e kuvendit. Lajmet e rreme duhet të ndëshkohen nga audienca dhe trupa profesionale e medias, jo nga qeveritë që janë në konflikt interesi dhe e përdorin këtë luftë si pretekst për kapjen e të gjitha pushteteve.

U bej thirrje qytetarëve të mbrojnë lirinë e shprehjes dhe shtetin demokratik. Më shpejt duhet të bjerë një qeveri, sesa të na merret një liri. Në shenjë kundershtimi të plotë largohem sot nga mbledhja e Komisionit të Edukimit dhe Medias me bindjen se këto dy projekt-ligje nuk duhet të diskutohen nen per nen, por të refuzohen ne princip si të papranueshme me frymën kushtetuese të demokracisë dhe të lirisë së shprehjes në Shqipëri.

Erion Piciri

Deputet i pavarur

Anëtar i Komisionit të Edukimit dhe Medias