Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pamjet e para të aksidentit ku dyshohet se është përfshirë Drejtori i Policisë Gjirokastër

Politiko 29 Shtator 2017, 17:12

Pamjet e para të aksidentit ku dyshohet se është

Në pamjet e aksidentit të ndodhur pak ditë më parë pranë fshatit Krahës, të siguruara nga televizioni Ora News, ku dyshohet se është përfshirë edhe Drejtori i Policisë së Gjirokastrës, Lorenc Paganika , duket makina BMË X1 me ngjyrë të bardhë me targa AA 572 BF.

Aksidenti ka ndodhur pranë fshatit Krahës, në dalje të Gjirokastrës, ku ka mbetur i lënduar 59- vjeçari Axhem Mërtiri.

Çështja është regjistruar në Prokurorinë e Gjirokastrës për shkelje të rregullave të qarkullimit dhe largim nga vendi i aksidentit.

Nga verifikimet, grupi i hetimit tha për Ora News se ngjarja ka ndodhur rreth orës 20.00-20.30, kohë kur Drejtori i Policisë pretendon se nuk ka qenë fare në rrugën ku ka ndodhur ngjarja.

Po kështu sipas hetimeve paraprake, makina që ka goditur të dëmtuarin ka qenë duke shkuar në Gjirokaster.

Sipas hetimeve rezulton se kalimtari është goditur me pjesën e pasqyrës së djathtë të makinës

Kamerat kanë fokusuar goditjen që ka ndodhur në këndin më të largët në pamjen që ka kamera dhe për arsye dhe të natës nuk duket qartë.

Por kamera ka filmuar momentin kur drejtuesi i automjetit frenon dhe disa çaste më vonë pasi ikën nga vendi i ngjarjes rikthehet dhe në këto momente dëshmitarët thonë se drejtuesi i mjetit i ka pyetur çfarë ka ndodhur.

Nga ekspertimi dhe kqyrja që i është bërë makinës së Drejtorit të Policisë Gjirokastër ekspertët kanë shënuar se pasqyra e djathtë e BMË X1 e Paganikës nuk ka dëmtime apo ndërhyrje në pasqyrë.

Në vendngjarje është gjetur ndërkohë edhe kasa e pasqyrës së djathtë të makinës që ka shkaktuar aksidentin.

Prokuroria ka vendosur të sekuestrojë kamerat e Drejtorisë së Policisë për të parë kur ka hyrë dhe ka dalë Drejtori Paganika në 24 orët e fundit, para dhe deri kur ka ndodhur aksidenti.

Nga hetimet rezulton se i plagosuri është dërguar në spitalin e Fierit ku është marrë në pyetje nga Prokuroria dhe ka thënë “nuk di kush më ka goditur”.

Mjekët kanë thënë se ai ka shembje, pa dëmtime të rënda, dhe është mbajtur vetëm dy ditë në spital për mjekim.

Drejtori i Policisë së Gjirokastrës ka reaguar në lidhje me këto dyshime duke mohuar të jetë i përfshirë në ngjarje, dhe për këtë siç thotë, ka vënë në dispozicion të grupit të hetimit makinën për ekspertizë.

Me anë të një komunikate zyrtare, thuhet se Drejtori i Policisë Gjirokastër për të provuar mos përfshirjen në këtë ngjarje ka kërkuar që automjeti të cilin ka në përdorim t’i nënshtrohet aktit të ekspertimit nga grupi hetimor të kryesuar nga Prokurori.