Flash News
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Pandeli Majko rikthehet në Parlament, deputeti i “ shtrëngon” krahun Tom Doshit, çfarë s’u pa në seancën pa opozitën
Edhe sot, opozita nuk ishte e pranishme në Parlament, pasi paralelisht mbajti një takim ku u diskutua mbi ndryshimin e ligjit antimafia.
Megjithatë, seanca nuk zgjati shumë dhe u mbyll pa kaluar për miratim ligjin për magjistraturën, e cila kërkon votim me shumicë të cilësuar.
Por, çfarë nuk u pa në një seancë që opozita vijon të mos jetë e pranishme në shenjë proteste për lidhjet e krimit me politikën.
Siç duket nga fotot e publikuara nga LSI, deputetët dhe ministrat kanë qenë më të çlirët. Ata janë fotografuar duke komunikuar vazhdimisht me njëri-tjetrin, ndërsa ra në sy rikthimi i Pandeli Majkos, ministrit të Diasporës nga seanca e fundit ku u miratua ligji që i hap rrugë shembjes së Teatrit Kombëtar.
Kujtojmë, se Majko debatoi në seancën e korrikut me kryeministrin Rama, pasi nuk pranoi të votonte me pjesën tjetër të mazhorancës.
Nga ana tjetër, shikojmë edhe një “afrimitet” i deputetit Adnor Shameti me Tom Doshi. LSA publikon foton ku Shameti shihet ndërsa “i fut” krahun Doshit, i cili është i rrethuar me kolegët socialistë.
Ministri i Brendshëm, Fatmir Xhafaj shihet i qeshur gjatë bisedës së tij me ministren e Arsimit, Lindita NIkolla dhe zv.kryeministren Senida Mesi.