Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Panucci: Të japim maksimumin edhe me Italinë e Spanjën. Në fushë, lojtarët më cilësorë

Politiko 7 Shtator 2017, 11:35
Panucci: Të japim maksimumin edhe me Italinë e Spanjën. Në

Christian Panucci doli sot në një konferencë për shtyp përpara mediave për të bërë një analizë pas dy ndeshjeve zyrtare eleminatore të zhvilluara në krye të kombëtares shqiptare të futbollit dhe për të folur për të ardhmen e skuadrës kuqezi. Trajneri italian theksoi se nga sot, Shqipëria do të jetë hedhë në fushë lojtarët më cilësorë që ka në dispozicion. Nuk më interesojnë më shumë lekët, por dua që të mbahem mend edhe kur unë të mos jem më tranjeri i kombëtares shqiptare.

“Ka dy skuadra më lart se të tjerat: Gjermania dhe Spanja. Të tjerat janë skuadra që mundohen të hedhin në fushë cilësi sepse për të punuar trajnerët nuk kanë shumë kohë. Unë dua të luaj futboll. Jam i bindur se me shumë mundësi është më mirë të luajmë me 3 në mesfushë. Kërkoj mesfushorë dhe sulmues me cilësi. Kemi një listë me lojtarë në Europë që do të shkoj t’i shikoj. Por, duke mos pasur kohë për të punuar, do të mundohem të hedh në fushë lojtarët më cilësorë. Kjo është ideja ime nga tani në vijim”, tha Panucci.

Trajneri bëri dhe një analizë të barazimit në Maqedoni.

“Në Maqedoni bëra një zgjedhje Lila-Kukeli sepse kisha frikë nga dëshira dhe vrulli i kundërshtarit, duke hequr dorë nga qarkullimi i topit. Por, nga ana tjetër vura 4 lojtarë përpara: Hyka, Roshi, Sadiku dhe Llullaku. Kisha frikë nga kundërsulmi i Maqedonisë po të humbnim topin. Tani që e njoh më mirë skuadrën, them se sa më shumë cilësi të hedhim në fushë, aq më mirë është. Nëse Sadiku do të shënonte golin e dytë, unë do të isha i zoti. Por, në fund rrezikuam ta humbisnim lojën. Ramë fizikisht dhe Maqedonia rriti ritmin”, u shpreh Panucci. “Të gjithë ishin seriozë dhe dhanë maksimumin. Shpresoj të kem një grup lojtarësh serioz. Nuk ka rëndësi nëse luan keq apo mirë një ndeshje.”, shtoi ai.

Në lidhje me dy sfidat e radhës, Panucci theksoi se Shqipëria do të japë maksimumin: “Do të shkojmë në Spanjë për të parë sa të mirë janë dhe për ta bërë kundërshtarin pak më të dobët. Nëse japim maksimumin, nuk kemi çfarë t’u themi lojtarëve. Nëse janë më të mirë, do i japim dorën dhe do të kthehemi në Tiranë, por përpara se t’ia japim dorën, do të përpiqemi. Edhe kundër Italisë do të mundohemi të bëjmë maksimumin për të marrë rezultat”.

 

 

Të fundit