Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Parashikimi i frikshëm i OKB: Ja sa banorë do ketë Shqipëria pas disa vitesh

Politiko 22 Qershor 2017, 19:45
Parashikimi i frikshëm i OKB: Ja sa banorë do ketë Shqipëria

OKB ka publikuar shifrat e parashikimeve të fundit gjatë dekadave të ardhshme disa shtete të Ballkanit.

Sipas parashikimit vendet e Ballkanit pritet të përjetojnë rënie shqetësuese të popullatës së tyre ku

sipas parashikimit Shqipëria do të pësojë një rënie të popullatës nga 2.9 milionë në vitin 2017 në 2.6 milionë në vitin 2050 dhe në 1.6 milionë në vitin 2100.

“Disa vende pritet të përballen me një rënie popullsie më shumë se 15 për qind deri në vitin 2050, përfshirë këtu Bullgarinë, Kroacinë, Letoninë, Lituaninë, Poloninë, Moldavinë, Rumaninë, Serbinë, Ukrainën dhe Ishujt e Virgjër të Shteteve të Bashkuara” deklaroi raporti i publikuar më 21 qershor.

Raporti parashikoi se popullsia e Bullgarisë do të bjerë nga 7 milionë në vitin 2017 në 5.4 milionë në vitin 2050, ndërsa popullsia kroate do të bjerë nga rreth 4 milionë në 3.4 milionë.

Sipas parashikimit të OKB, Shqipëria do të pësojë një rënie të popullatës nga 2.9 milionë në vitin 2017 në 2.6 milionë në vitin 2050 dhe në 1.6 milionë në vitin 2100.

Rumania mund të presë një rënie të popullsisë nga 19.6 milionë në këtë vit në 16.4 milionë në vitin 2050. Në Serbi popullsia do të bjerë nga 8.7 milionë njerëz në 7.4 milionë.

Departamenti i Popullsisë pranë OKB-së tha gjithashtu se një rënie prej 15 për qind pritet në Moldavi, ku popullsia e tanishme prej 4 milionë banorësh pritet të shkojë në 3.2 milionë në 2050.

“Për 70 vjet, Republika e Moldavisë, Federata Ruse dhe Ukraina kanë pasur nivelet më të ulëta të jetëgjatësisë gjatë lindjes në Europë.

Në raport theksohej se Bosnja, nga ana tjetër, mund të presë një rritje të vogël të popullsisë nga 3,507,000 në vitin 2017 në 3,508,000 në vitin 2050.

Megjithatë, Maqedonia, do të ulet nga 2.1 milionë në 1.9 milionë njerëz dhe Mali i Zi nga 629.000 në vitin 2017 në 588.000 në vitin 2050.

Në raport nuk përfshiheshin të dhëna për Kosovën.

Raporti, në përgjithsi, tha se popullsia botërore do të rritet ndjeshëm. “Popullsia aktuale botërore prej 7.6 miliardë personash pritet të arrijë 8.6 miliardë në vitin 2030, 9.8 miliardë në vitin 2050 dhe 11.2 miliardë në 2100. Afërsisht 83 milionë njerëz do t’i shtohen popullsisë së botës çdo vit, ku trendi rritës pritet të vazhdojë”, përfundon raporti.

 

Të fundit