Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Parfumosu me bojkot

Politiko 15 Janar 2019, 19:40

“Parfumosu me bojkot”, kjo është thirrja e studentëve për bashkëmoshatarët e tyre. Me tetë aroma parfumesh, “ Aromë arsimimi; Aromë buxheti; Aromë Karte Studenti; Aromë literaturë e Pasur; Aromë Përfaqësie; Aromë transparence; Aromë vetingu; Aromë vlerësimi; Aromë me 8 përbërës”.

Nga studentët protestues:

Nëse gjatë javës që lamë pas shkoje pranë studentëve që bojkotin e mësimit e përqëndruan në ngujim brenda fakultetit dhe jo në protestat përpara Kryeministrisë do të shikoje një tjetër formë të të protestuarit, studentët e Fakultetit të Shkencave Sociale e nisën me bejte e këngë polifonike:

Dëgjoni ç’ka thënë i gjati,

na tha ngelësa, na tha qen

herë pengmarrës, herë qorra,

gjë pa thënë nuk na ka lënë.

E na flet për edukatë, i gjati kryeministër

nesër do të na thotë gomerë, kërkon të na vërë kapister.

Jepi Edvin kryetari, një për një të gjithë na shaj

Ne të gjithë jemi fajtorë, vetëm ti nuk paske faj.

S’jemi ngelës s’jemi qen, s’jemi dele siç do ti

për 8 pikat kemi dalë, do ti marrim nji për nji.

Këto do të ishin vargjet e para që do të “thyenin” rrjetin dhe do të bënin jehonë mediatike, që më pas edhe studentët e tjerë të frymëzuar prej kësaj, do të vazhdonin duke thurur këngë të tjera, radhën e kishin studentët e Fakultetit te Histori- Filologjisë me një këngë popullore ku si pjesë e “klipit” të tyre, shoqërohej me pamje të këmbëve të studentëve të mbuluar nga batanije prej të ftohit, që po I bënin ballë rezistencës.

Studentët e ekonomikut aty pranë me Fakultetin e Histori- Filologjisë do ti këndonin Ramës me një këngë legjendë të kohës së xhaxhit kënduar nga Kozma Dushi, por tashmë e sjell në një formë modern “Ti o shoku ynë pse rri i mërzitur...” pamjet që na servirën studentët me këtë këngë nga auditori i tyre ishin me kurriz dhe me kapuçat e xhupave në kokë, një tjetër formë për ti bërë ballë temperaturave që shënonin nën 0 dhe që maja e Malit të Dajtit ishte mbuluar nga bora.

Shkak për studentët e Mjekësisë u bë ndërprerja e energjisë elektrike tek salla ku ishin ngujuar që t’i këndonin Ramës me një këngë moderne të Flor Mumajesit, fituese e festivalit të fundvitit, me këngën “Plas” ku i kërkonin që t’iu rikthente dritat studentëve të ngujuar në të kundërt Gjermania po i priste dhe refreni i këngës “S’kena me u pa mo baaaashkë…..” do të ishte ajo që Rama do të dëgjonte në kor.

Fakulteteve me studentë të ngujuar do iu bashkohej edhe Universiteti Bujqësor i Tiranës, këta studentë zgjodhën t’i recitojnë poezinë “Anës Lumenjëve” nga Fan S. Noli.

Presioneve, kërcënimeve dhe dhunës fizike si nga forcat policore dhe nga pedagogët e tyre studentët e Inxhinierisë dhe Fakultetit të Arkitekturës dhe Urbanistikës do I bënin ballë me këngët që tashmë studentët e tjera po I këndonin në çdo fakultet, ata dëshmuan se i bëjnë ballë çdo lloj sfide që iu desh të përballeshin prej 43 ditëve të rezistencës me protestë paqësore që ata nisën dhjetorin e kaluar.

Teksa iu bashkuam mbrëmjen e djeshme në formë sensibilizimi së bashku me një grup studentësh të fakulteteve të ndryshme, sapo hyrëm në hollin e godinës u gjendëm përpara një ambienti të mbushur plot e përplot me pankarta, shkrime, piktura dhe thënie pikante që “bërtisnin” për vështirësitë që kishin kaluar gjatë gjithë këtij rrugëtimi të gjatë.

Ajo që na bëri shumë përshtypje ishte jo vetëm fjala “BOJKOTO” e përsëritur aq shumë në shkrimet e tyre në forma të dryshme por fryma dhe ajo që ndihej mes tyre, në atë hapsirë që shumë ditë më parë do të bëhej piknisja e një proteste madhështore jo vetëm në numra por edhe në formën e realizimit të saj.

Kur hymë Brenda na u deshë nisa minuta në heshtje për të soditur me shumë ëndje të gjitha krijimet nga studentët të ngjizura kaq natyrshëm në një ekspozitë rastësore… Xhulia një prej bashkëprotestuesve, qëndrestare prej shumë ditësh në protestë, mu afrua dhe më tha: - Olger’t këtu PO, këtu më vjenë shumë era BOJKOT, më pas Romina na u afrua duke ndarë dhe ajo me ne të njëjtin mendim, e kështu me radhë me të gjithë studentët që ishin aty dhe të tjerët që na mirëpritën ndihej kjo frymë e një qëndrese të pashembullt.

Nuk kisha se si të mos frymëzohesha nga ky moment që më mbushi kaq shumë me frymëzim dhe ky do të ishte momenti kur do të merrte jetë ideja për krijimin e një “parfumi” të cilin do e quanim “BOJKOT”.

Ky parfum çudibërës, në fakt sdo të ishte veç me një aromë të vetme, ajo do të kishte një seri prej 8 aromash të ndryshme. Aromat e krijuara prej 8 kërkesave fillestare të studentëve do të jenë aromat më të parezistueshme që do të ndihmojë studentët të parfumosin fakultetin dhe më pas studentët, që në mungesë të dijes për ekzistencën e këtij parfumi kërkojnë të hynë në mësim.

Të hynë në mësim në një auditor të parfumosur më herët nga Rektorët dhe pedagogët e dhunshëm, parfum i tyre, parfum me efekte aluçinante për të krijuar idenë e 8 kërkesave të plotësuara nga qeveria. Prandaj, kolegë dhe bashkëmoshatari im parfumosu me bojkot, zgjidhe ti 1 prej 8 aromave ose parfumin e nëntë që I përmban të gjitha: 1) Aromë arsimimi 2) Aromë buxheti 3) Aromë Karte Studenti 4) Aromë literaturë e Pasur 5) Aromë Përfaqësie 6)Aromë transparence 7)Aromë vetingu 8) Aromë vlerësimi 9) Aromë me 8 përbërës.