Pas 12 vitesh bashkë, Miriam Cani dhe Alban Skënderaj zyrtarisht të martuar; Ceremonia e rrallë në ishullin e pabanuar

Pas 12 vitesh së bashku, madje prindër të një vajze të vogël, Ameli, Miriam Cani dhe Alban Skënderaj kanë kurorëzuar zyrtarisht lidhjen e tyre me një martesë.

Ata i kanë thënë ‘po’ njëri-tjetrit në një ceremoni të rrallë në një ishull të pabanuar, siç e përshkruan vetë Miriam, ndërsa poston edhe foto nga dita e shumëpritur (7 maj).

Postimi i plotë i Miriam:

U deshen 12 vite qe te quheshim zyrtarisht Burre e Grua por ne zemer kemi qene dhe jemi ende ata dy te rinj endrrimtare qe pertej ceremonive gjithmone e kane ndjere thelle ne shpirt se jane bere per njeri-tjetrin.

U deshen 12 vite te thonim PO perpara Zotit dhe njerezve qe na duan por ne te vertete zemrat kane thene pergjithmone PO nga momenti i puthjes se pare!

U deshen 12 vite te vishnim kostumin dhe fustanin e nuserise e te shkembenim unazat kur nderkohe kemi jetuar nen lekuren e njeri-tjetrit cdo gezim e hidherim dhe kemi ndare cdo te mire e te keqe qe jeta na ka ofruar.

Fati dhe shpirti donin qe ky moment i shenuar te merrte jete pikerisht aty ku ne vitin 2013 ai propozim i pazakonte na la per pak pa fryme te dyve, por kete here jo ne boten e magjishme nenujore por vetem pak metra me larg, ne siperfaqen e nje ishulli te pa banuar. Nje pike e bardhe ne mes te oqeanit. Zhveshur nga te gjitha dekoret e krijuara nga dora e njeriut dhe veshur nga bukurite perrallore qe ka krijuar dora e Zotit.

Duhet te prisnim 12 vite qe kjo dite te merrte kuptimin e plote te saj me prezencen e engjellit tone, Amelise.

PO … deri sa vdekja te na ndaje!

7 Maj, 2019.