Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas 5 vitesh, moderatori largohet nga Abc News

Politiko 23 Gusht 2017, 11:52
Pas 5 vitesh, moderatori largohet nga Abc News

Mund të jetë ndoshta, sezoni me më shumë ndryshime në televizionet shqiptare. Emra që kanë punuar prej vitesh në një televizion, po zgjedhin të zhvendosen diku tjetër; çdo e mirë e ka një fund.

Për këtë edhe gazetari Eni Shehu vendosi të largohet nga televizioni ku punoi për 5 vite, “ABC News”. Jemi mësuar që pasditeve të verës ta shikojmë tek “Edicioni veror” se çfarë bëhet nëpër jug, duke promovuar plazhet dhe turizmin shqiptar; duke parë kush pushon, ku po pushon, por siç tregon i pyetur nga Anabel, është koha për të kaluar në një etapë të re.

“Është një kapitull i mbyllur, një etapë e karrierës sime të cilës i erdhi fundi. Përfundova me sukses sezonin e 5-të në Jug të “Edicionit Veror” dhe ku ka më mirë se ta mbyllësh me nder. “ABC” dhe Mand Shkullaku (ish-drejtuesi) ka qenë pa diskutim shkolla e gazetarisë së cilës iu dedikova me shpirt nga fillimi. Tani është koha për filma, teatër, por pa u shkëputur nga televizioni.”

Së fundmi, e pamë si protagonist në trailerin e filmit të ri të regjisorit Pluton Vasi, “Ndërkombëtarët”, që pritet të dalë në vjeshtë. Filmi është bazuar në një prej romaneve më të vlerësuar të Ylljet Aliçkës, “Rrëfenja me ndërkombëtarë”.

Shehu e nisi karrierën në 2003-shin, si pjesë për 3 vite e emisionit "Select" në Top Channel, për të vijuar me emisionet rinore të "TV Klan",derisa në 2012-ën nisi "Edicionin Veror" në "ABC News", ku gjithashtu ishte gazetar i temave social-kulturore. I pyetur për ku do të jetë destinacioni i radhës nga televizionet shqiptare, Eni Shehu parapëlqeu të tregohet i rezervuar.

Të fundit