Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas Ramës, Top Channel nis sulmin edhe ndaj Erion Veliajt

Politiko 16 Mars 2018, 16:49

Pas Ramës, Top Channel nis sulmin edhe ndaj Erion Veliajt

Në edicionin e lajmeve të orës 15:00, Top Channel ka transmetuar një kronikë në të cilët qytetarë të ndryshëm të Tiranës shprehin shqetësimin e tyre sa i takon çmimit të ujit që ata tashmë paguajnë si dhe rritjen e disa taksave dhe tarifave të tjera.

“Aktualisht në faturën e ujit banorët e Tiranës paguajnë 4 taksa, të cilat shkojnë 60 euro në vit për çdo familje. Por nga 1 prilli faturës së ujit ose asaj të energjisë do t’i shtohet edhe një taksë e pestë. Ajo është taksa e pronës, e cila do të jetë 0.05 për qind e vlerës së shtëpisë. Për një banesë e cila ka një vlerë 100 mijë euro, taksa e pronës do të jetë 50 euro në vit. Kjo do të thotë se nga një prilli barra e taksave që paguajnë banorët e kryeqytetit, por jo vetëm, në faturën e ujit do të rëndohet me gati dy herë nga niveli aktual”, thuhet ndër të tjerash në kronikën e Top Channel.

Sulmi ndaj kryebashkiakut Veliaj është i pari që nga koha kur Top Channel vendosi të pozicionohej në opozitë me mazhorancën aktuale.

Kronika e transmetuar në Top Channel

Rritja e faturave të ujit, ankohen banorët e Tiranës

Qytetarët e Tiranës thonë se faturat mujore të ujit u janë rritur, jo vetëm nga rritja e çmimit të ujit, por edhe të taksave dhe tarifave të tjera që u vijne në shtepi me këtë faturë.

“Ishte rritur mi, si nuk ishte rritur. Kam pas paguar 20 mijë lekë pagova 25 mijë, pesë mijë lekë më shumë. 100 mijë lekë pension, 75 vetëm drita e ujë”, thotë një i moshuar.

Që pas vitit 2015 për ta pasur të sigurt mbledhjen e taksave në faturën e ujit të pijshëm vendosen edhe detyrime që duhet të shlyejnë qytetarët ndaj bashkisë së Tiranës. Disa prej këtyre taksave në vitin 2015 nuk kanë ekzistuar ndërkohë që një tjetër taksë pritet të shtohet në fund të muajit që vjen.

“Ky vetëm duke i rrit ka ardhur. Më thuaj ti ça nuk ka rritur”, shprehet një banor i Tiranës.

“Po një taskë e për infrastrukturën arsimore, thonë e përkohshme, po nuk thotë njeri sa është. Po tani do të shtohet edhe kjo e banimit”, thotë një tjetër.

Aktualisht në faturën e ujit banorët e Tiranës paguajnë 4 taksa, të cilat shkojnë 60 euro në vit për çdo familje. Por nga 1 prilli faturës së ujit ose asaj të energjisë do t’i shtohet edhe një taksë e pestë. Ajo është taksa e pronës, e cila do të jetë 0.05 për qind e vlerës së shtëpisë. Për një banesë e cila ka një vlerë 100 mijë euro, taksa e pronës do të jetë 50 euro në vit. Kjo do të thotë se nga një prilli barra e taksave që paguajnë banorët e kryeqytetit, por jo vetëm, në faturën e ujit do të rëndohet me gati dy herë nga niveli aktual.

https://www.youtube.com/watch?v=CxJSZUbpNQs