Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Patozi: Liridalja me orar mund ta shtojë rrezikun e infektimit, kjo masë të rishikohet

Politiko 20 Mars 2020, 13:04

Astrit Patozi nga Bindja Demokratike ka kërkuar që të rishikohet masa e qeverisë për të lejuar qytetarët që të lëvizin vetëm në dy fasha orari çdo ditë, si masë parandaluese për Covid-19.

Sipas Patozit, kjo kohë e lejuar i bën njerëzit të grumbullohen masivisht në të njëjtat pika jetike, që janë dyqanet e ushqimeve, farmacitë dhe bankat, duke shtuar rrezikun e infektimit.

“Në rast se koncepti i karantinës masive në shtëpi është që të evitojmë infektimin të gjithë njëherësh, atëherë nuk ka asnjë kuptim kjo liridalja jonë me orare. Sepse në kohën e lejuar i bën njerëzit të grumbullohen masivisht në të njëjtat pika jetike, që janë dyqanet e ushqimeve, farmacitë dhe bankat. Dhe pastaj na rroftë izolimi për 23 orët e tjera, në rast se për 5 minuta takohemi me të gjithë komshinjtë e lagjes në supermarket.

Nga ana tjetër, nuk ka asnjë logjikë që ushqimoret dhe farmacitë të qëndrojnë hapur gjithë ditën, ndërkohë, kur ato mund të “sulmohen” nga blerësit vetëm në dy fashat orare, që ka caktuar qeveria. Kam përshtypjen se ata që e kanë ndarë mendjen të dalin nga shtëpia, do ta gjejnë në të gjitha rastet mënyrën dhe e gjithë çështja është të mos e bëjnë këtë të gjithë njëkohësisht.

Nuk dua aspak të hap një debat të panevojshëm, sepse është momenti më i papërshtatshëm për këtë, por mendoj se kjo masë duhet të rishikohet, duke ndjekur praktika të tjera të vendeve më të prekura në Europë, sepse kam frikë se këtë lloj kufizimi me orar e kemi vetëm ne”, shkruan Patozi, ndërsa reagimin e shoqëron me një foto të shkrepur në një nga zonat e Tiranës.

Të fundit