Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD kallëzim të dytë për shpifje kundër Erion Veliajt

Politiko 7 Tetor 2020, 13:03
PD kallëzim të dytë për shpifje kundër Erion Veliajt

Partia Demokratike ka akuzuar për shpifje kreun e Bashkisë së Tiranës, Erion Veliaj, pas deklaratave të tij në media mbrëmjen e djeshme, se “‘Viktoria Invest’ i ka dhënë një makinë dhënë për t’i mbyllur gojën Bashës për Unazën e Re.”

Sipas PD-së, shpifjet e Veliajt ‘janë pjesë e fushatës së qëllimshme deniguese të PS-së.’

Ky është kallëzimi i dytë për herë të dytë brenda javës i bërë nga Partia Demokratike ndaj Veliajt. Kallëzimi i parë erdhi pas akuzave ndaj Bashës se ka marrë 4 vila pas tërmetit.

Përgjigja e PD-së vjen një ditë pasi Veliaj sfidoi Bashën që ta hidhëte në gjyq për deklaratat, duke shtuar se “disponon prova që Lulzim Basha mori një makinë 130 mijë euro nga një prej kontraktorëve për të lënë protestën tek Astiri”.

“Partia Demokratike duket se nuk ka ndërmend të tolerojë më asnjë nga akuzat që kryebashkiaku i Tiranës Erion Veliaj po artikulon shpesh kundër kreut të opozitës. Në cilësinë e drejtuesit të fushatës elektorale të PS, Erion Veliaj, është kallëzuar për shpifje, për herë të dytë brenda një jave. Burime nga Gjykata e Tiranës bëjnë të ditur se shkak janë bërë disa akuza të reja të kryebashkiakut të Tiranës.Veliaj ka thënë se “disponon prova që Lulzim Basha mori një makinë 130 mijë euro nga një prej kontraktorëve për të lënë protestën tek Astiri”. Pjesë e fushatës denigruese për të dëmtuar imazhin e kreut të opozitës- siç thuhet në padi- janë edhe akuzat e Veliajt se “PD është një çetë që vë gjoba dhe që u bie biznesmenëve për të marrë një vilë apo një makinë. Për këto akuza, kërkohet nga gjykata dënimin i Erion Veliajt për shpifjet e përsëritura kundër Kryetarit të PD, Lulzim Basha, me qëllim dëmtimin e imazhit dhe përfitimin në zgjedhjet e ardhshme.  “Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”- thuhet në padinë e ngritur për shpifje ndaj Erion Veliajt”, thuhet në kallëzimin e ri penal ndaj Veliajt.

Të fundit