Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD letër qeverisë dhe Bashkisë Krujë: 4 kërkesat që duhet të plotësoni për banorët e Thumanës

Politiko 2 Janar 2020, 18:05

PD letër qeverisë dhe Bashkisë Krujë: 4 kërkesat

Partia Demokratike ka 4 kërkesa për qeverinë dhe baskinë e Krujës, të cilat do të shmangin grevën e urisë të mbi 100 familjeve nga Thumana të dëmtuara nga tërmeti i 26 nëntorit. Sekretari i Përgjithshëm i PD-së, Gazment Bardhi pasi u takua me banorët që i shprehën shqetësimin për situatën ku ndodheshin, mori autorizimin prej tyre që t’u drejtohet autoriteteve shtetërore për plotësimin e disa kërkesave elementare.

Banorëve iu është kërkuar që të largohen nga hotele deri më 3 janar dhe të gjejnë banesa me qira, por opozita është e shqetësuar.

Siç u premtoi banorëve të strehuar në një nga hotelet e Shëngjinit, Bardhi i dërgoi një letër qeverisë dhe Bashkisë Krujë, duke listuar 4 kërkesa të banorëve të Thumanës. Më kryesorja prej tyre lidhet me strehimin.

PD qeverinë se ka dështuar për zbatimin e detyrimeve, që rrjedhim nga ligji “Për mbrojtjen civile”, Sekretari i Përgjithshëm i PD. Ndërkohë që u kërkoi autoriteteve, plotësimin e 4 kërkesave urgjente të banorëve të Thumanës.

Bardhi theksoi se “askush prej banorëve nuk kërkon nga Qeveria apo Bashkia as bamirësi dhe as përfitime të padrejta për shkak të situatës. “-

1- Ofrimin e menjëhershëm të ndihmës shëndetësore për të gjithë banorët që kanë nevojë dhe që ndodhen në strehuar në Hotel Rafaelo.

2- Krijimin e kushteve për strehim të përkohshëm, në kushte normale jetese për këta banorë, gjatë periudhës që nevojitet për sistemimin e tyre në banesat e reja. Deri në përmbushjen e kësaj mase, asnjë banor nuk duhet të detyrohet të dalë jashtë ambientit ku strehohen aktualisht dhe Qeveria duhet të paguajë strehimin e tyre në Hotelin ku ndodhen.

3- Dërgimin e përfaqësuesve të autoriteteve shtetërore dhe lokale, për të informuar banorët e strehuar atje sesi do të veprohet me banesat e tyre, si dhe për t’u ofruar asistencë ligjore për plotësimin e dokumentacionit të nevojshëm, duke shmangur burokracitë e panevojshme dhe kërkesat për dokumentacion jashtë mundësive të qytetarëve.

4- Ndërhyrjen e autoriteteve shtetërore për të siguruar që asnjë prej banorëve të prekur dhe që përkohësisht është strehuar larg qendrës së punës, të humbasë punën për këtë shkak. Autoritetet lokale duhet të marrin masat për të siguruar transportin e qytetarëve që janë në marrëdhënie pune larg vendit ku strehohen aktualisht, nga vendi i strehimit për në qendrën e tyre të punës.