Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD publikon përgjimet: Biseda e Agron Xhafajt me trafikantin e drogës pasi doli nga burgu

Politiko 14 Maj 2018, 11:59

PD publikon përgjimet: Biseda e Agron Xhafajt me trafikantin e drogës

Dy deputetët demokratë Enkelejd Alibeaj dhe Ervin Salianji kanë publikuar përgjimet e vëllait të Fatmir Xhafajt, Agronit me bashkëpunëtorin në trafikun e lëndëve narkotike.

Në audion e publikuar dëgjohet teksa bashkëpunëtori, pasi ka dalë nga burgu i drejtohet Agron Xhafajt dhe i kërkon ndihmë. Bashkëpunëtori pasi kthehet në Shqipëri, i kërkon Agronit që t’i gjejë ngarkesë me kanabis dhe ta punësojë si skafist për të bërë një rrugë në Itali pasi ka mbetur pa para.

Në bisedën mes tyre gjatë takimit në kafe, Agron Xhafaj ndër të tjera dëgjohet teksa i thotë bashkëpunëtorit, “Dëgjo, të jetë hera e fundit dhe mos më bjer më në qafë. Këta plehrat po na sulmojnë ore Shiko edhe vëllanë (për Fatmir Xhafajn). Shumë fare po na sulmojnë”.

Për më shumë ndiqni videon:

BISEDA:

Nis biseda telefonike në makinë mes Bashkëpunëtorit X dhe Agron Xhafajt.

Bashkëpunëtori X - O pasha ça bën mo, si dukesh?

Agroni –

Bashkëpunëtori X - Mirë vëlla. Ti vetë?

Agroni-

Bashkëpunëtori X - Isha andej nga Toto qorri. Do të të merrja në telefon të të ftoja për drekë, por më thanë që ishe larg. Dëgjon vëlla?

Agron Xhafaj e pret bashkëpunëtorin X në një lokal që, në Vlorë njihet si lokali i vëllait të Ministrit të Brendshëm.

Bashkëpunëtori X - Ça bëre? Si ke qenë nga shtëpia ti?

Agron- Mirë o mirë, ti mirë?

Bashkëpunëtori X - Mirë.

Agron - Mirë keni qenë? Ça bëre ndonjë gjë?

Bashkëpunëtori X - Mirë

Agroni- Si ia kalove? Ça bëre ndonjë gjë të re?

Bashkëpunëtori X - Mirë vëlla mirë. Dëgjo, se për atë muhabetin që të mora në telefon, po puna është që…

Agroni- Një herë më ke marrë mua në telefon ti. Ndonjë gjë tjetër ça ke bërë?

Bashkëpunëtori X - Hiç, ja erdha për atë që të thash, për të bërë rrugën

Agroni- Dëgjo tani, ti e kupton si janë gjërat. Këta plehrat po na sulmojnë shumë ore.

Agroni- Përmend një fjali me 5-6 fjalë, por nuk kuptohet mirë.

Agroni- Do të të çoj unë te Ermali ore, është shumë im i ngushtë.

Bashkëpunëtori X - Të faleminderit shumë. Se erdha ngaqë jam keq vlla, se nuk erdha nga e mira.

Agroni- Dëgjo, hera e parë dhe e fundit dhe mos na bjer më në qafë. Se po na sulmojnë shumë ore. Shiko edhe vëllanë (Fatmir Xhafaj). Shumë fare po na e sulmojnë. Të jetë hera e parë dhe e fundit.

Bashkëpunëtori X - E mirë vlla mirë.

Agroni- Mirë pra, ndonjë gjë tjetër çar ke bërë?

Bashkëpunëtori X - Hiç asgjë.

Agroni- Na kanë nxjerrë emrin. Mos më bjer më në qafë, aman të keqen! Ata të tjerët në Itali, e shikon (thote 2-3 fjalë që nuk kuptohen, sepse fjalin njëkohësisht me Bashkëpunëtorin X).

Bashkëpunëtori X - Mirë vëlla mirë, (thotë 2-3 fjalë që nuk kuptohen) Ne duke pirë kafe jemi, s’e vrasim mendjen.

Agroni- Ndonjë gjë tjetër nga shpia?

Bashkëpunëtori X - Mirë të gjithë. Ti vetë?

Agroni- Mirë, mirë

Bashkëpunëtori X - Mirë o vlla rrofsh, faleminderit.

Agroni- Po na sulmojnë ata, keq fare.

Bashkëpunëtori X – Mirë, mirë.

Agroni- Kalofsh mirë.

Bashkëpunëtori X - Falemiderit njëherë për të gjitha. S’të nxjerr asnjë problem. Rrofsh edhe për kafen.

Agroni- Aman o të keqen vllai, hera e parë dhe e fundit, mos më bjer më në qafë.

Bashkëpunëtori X - Po ik o se s’të bije më në qafë, po kisha një problem se kam një hall edhe unë. Ta bëra si vëlla.

Agroni- Po gjërat nuk e shikon si janë?

Bashkëpunëtori X - Se e njohim njëri – tjetrin.

Agron - Ata në Itali janë zbërthyer komplet ore.

Bashkëpunëtori X - Mirë o mirë, hajde rrofsh. Flas unë me Ermalin. Pa merak.

Agroni- Te Ermali vëlla.

Bashkëpunëtori X ndoqi rrugën e treguar nga Agron Xhafaj, bleu kanabisin tek trafikantët nën urdhërat e vëllait të Ministrit të Brendshëm, i qetë dhe pa ndjekjen e policisë.