Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
PD vendos djegien e mandateve, konstitucionalisti Kume tregon ç’do ndodhë në Kuvend: Mazhoranca të reflektojë
Kreu i PD, Lulzim Basha doli me një vendim zyrtar dhe të unifikuar nga mbledhja e Grupit Parlamentar të PD për djegien e mandateve.
Konstitucionalisti Kristal Kume ka sqaruar se çfarë ndodh në Kuvend në një situatë të tillë dhe si e saktëson Kodi Zgjedhor.
“Veprim i djegies së mandateve është ekuivalent me dorëheqjen, s’ka asnjë ngërç ligjor. Nga ky akt do të krijohen vakanca, ndërsa Kuvendi njofton KQZ për të plotësuar vakancat e krijuara, por mënyra se si plotësohen ato nuk është i shprehur në Kodin Zgjedhor, por për analogji mund të përdoret rasti kur parashikohet me ligj vakanca e krijuar nga një deputet i pavarur. Pra, nëse KQZ thërret anëtarët kandidatë të PD në listë dhe këta të fundit nuk pranojnë, KQZ i ofron mandatin subjektin zgjedhor me herësin më të madh. E gjitha kjo është teknikë legjislative, por problemi nuk duhet të trajtohet në këtë aspekt, por për efektin që sjell në jetën politike dhe qeverisjen e vendit.
Nëse opozita largohet, do të thotë që mundësitë për mirëqeverisjen zvogëlohen deri në minimume. Kuvendi funksion me përbërjen që ka për të marrë vendime se i ka numrat, përveç rasteve kur kërkohet votim shumicë të cilësuar.
Një vendim i tillë duhet të bëjë që mazhoranca të reflektojë që të gjejë zgjidhje për zgjedhjen e kësaj situatë ngërçi”, u shpreh Kume.