Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pedagogia lë studentët të presin, jep mësim në gjimnazin privat

Politiko 19 Shkurt 2019, 21:30

Pedagogia e Universitetit “Aleksandër Moisiu” të Durrësit, Teuta Thanasi, mbaron punën në shkollën private pastaj shkon t’iu japë mësim studentëve. E punësuar me kohë të plotë në universitet dhe më kohë të pjesshme në shkollën private, përparësi i jep kësaj të fundit, duke lënë studentët të presin korridoreve të auditorëve.

“Fiks Fare” ka bërë publik rastin, si pasojë e ankesave. Studentët ankoheshin se pedagogia e lëndës së Matematikës së Zbatuar, Teuta Thanasi paraqitej gjithmonë me vonesë në leksione.

Duke mos e gjetur pedagogen në vendin e punës, gazetarët e “Fiks Fare” iu drejtuan shkollës private, ku morën informacion se punonte pedagogia. Gazetarët u paraqitën pranë shkollës jopublike në hyrje të Durrësit, e kërkuan informacion te roja për të vërtetuar se pedagogia ishte brenda këtij institucioni.

“E vetmja ditë që jam vonuar është kjo e hënë. Edhe kjo, për shkak se isha në shkollën private, dhashë 2 orë mësimi, por sa të vij nga Spitalla këtu, trafiku i rënduar bën që unë të vij 20 minuta me vonesë”, shprehet pedagogia, por gjithmonë duke e refuzuar faktin që kjo ndodh shpeshherë.

Të fundit