Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përdhosi flamurin, simbolin kombëtar, deputeti rrezikon burgun

Politiko 7 Gusht 2017, 15:23

Përdhosi flamurin, simbolin kombëtar, deputeti rrezikon burgun

Gjatë ditës së djeshme njëri ndër aktivistët e Lëvizjes Vetëvendosje, Frashër Oseku kishte bërë publikimin e disa fotografive në të cilat vërehej përdhosja e flamurit të shtetit të Kosovës, duke e vendosur atë në një guaskë të WC-së. Oseku ndër të tjerash këtë e kishte lidhur me “respektimin” që duhet t’i bëhet flamurit doke ironizuar kështu me të.

“Arbana Xharra po thote qe ne te ” VV-se” nuk e dojme lecken e kalter?! Une vendin e duhur i jap dhe do i jap leckes”, ka shkruar Oseku.

Ndryshe përdhosja e flamurit në këtë rast përmban të gjitha elementet përbërëse të veprës penale nga neni 147 të Kodit Penal të Kosovës.

Madje sipas njohësve të Çështjeve Juridike me këtë rast personi në fjalë ka “përqeshur simbolin kombëtar”- flamurin e Republikës së Kosovës dhe me këtë veprim poshtërues, i njëjti po nxit dhe po përhap publikisht urrejtje, përçarje apo mosdurim midis grupeve me botëkuptime të ndryshme për çështje përkatëse, në mënyrën e cila mund të prish rendin publik.

Ndërkohë në rast se personi në fjalë shpallet fajtor për këtë vepër penale, i njëjti në bazë të Ligjit mund të dënohet deri në tetë vite burgim. E, sipas njohësit të Çështjeve Kushtetuese Juridike, Riza Smaka një gjë e tillë duhet të dënohet.

Smaka ka cilësuar se personi kushdo qoftë ai që bënë përdhosjen e flamurit meriton gjykimin moral dhe juridik..

“Çështja e flamurit është kushtetuare dhe ligjore , kushtetutore sepse me kushtetutë përcaktohet si simbol i kombit,historisë dhe kulturës dhe me ligj rregullohet gjithçka që ka të bëjë me përdorimin zyrtar, mbrojtja dhe dukja. Çfarëdo veprimi që do të cenonte integritetin e tij do ta cenonte edhe sentimentin e etnokulturës,të etnohistorisë, të etnotraditës, prandaj është çështje e sanksionuar me ligj mbrojtja e përdorimit të flamurit”,ka thënë Smaka për Indeksonline.

Sipas Smakës ne si qytetarë në shumë raste abuzojmë vetë me flamurin.

“Në shumë raste ne vetë abuzojmë me flamurin, pra flamuri duhet të përdoret në vende publike nga institucione të autorizuara. Askund në botë nuk përdoret siç përdoret tek ne në ahengje. Flamuri e ka mbrojtjen ligjore, pra duhet të zbatohet me ligj”,ka shtuar Smaka.

Gjithashtu sipas tij personi në fjalë duhet të dënohet me procedurë ligjore.

“Ai person apo ajo që ka përdhosur flamurin meriton edhe gjykimin moral edhe juridik. Për këtë do të duhej të kujdesej policia, inspektorati dhe prokuroria me procedurë ligjore.

Me procedurë ligjore do të duhej të dënohej, duhet të bëhet paraqitja penale, denoncimi dhe vendosja penale”,ka përfunduar Smaka.

Ndryshe një përdhosje të ngjashme të flamurit të Kosovës kishin bërë edhe aktivistë të serbit, Vojslav Shehel.