Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përfitimet shëndetësore që merren nga frutat dhe perimet me pigment blu

Politiko 28 Gusht 2018, 11:55
Përfitimet shëndetësore që merren nga frutat dhe perimet me

Sipas ekspertëve të nutricionit, është një ide e shkëlqyer të konsumosh çdo ditë fruta dhe perime me ngjyra të ndryshme. Me kaq shumë opsione në dispozicion, nuk do të jetë e vështirë t’i bëni pjesë të dietës suaj.

Ai që u jep ngjyrën blu frutave dhe perimeve është një pigment i quajtur antocianin. Ky pigment i jep ngjyrën blu frutave dhe perimeve dhe është gjithashtu përgjegjës edhe për frutat e perimet me ngjyrë të kuqe dhe lejla si luleshtrydhet, lakra e kuqe, kumbullat, boronicat e kuqe apo patëllxhanët.

Cilat janë benefitet e këtij antioksidanti të gjendur tek këto ushqime?

Zvogëlojnë rrezikun nga kanceri

Mosha, gjinia, etniciteti, historia e familjes, stili i jetesës, pesha dhe dieta janë disa faktorë risku për disa tipe të kancerit. Ekspertët thonë se antioksidantët përgjegjës për dhënien e ngjyrës blu, përmbajnë veti të shkëlqyera antioksidante.

Reduktojnë riskun e sëmundjeve të zemrës

Ushqimet me ngjyrë blu janë të shkëlqyera për të mbrojtur zemrën nga sëmundjet duke ndihmuar në menaxhimin dhe mbajtjen nën kontroll të hipertensionit dhe kolesterolit të lartë.

Sëmundjet e sipërpërmendura mund të dëmtojnë enët e gjakut dhe zemrën, prandaj është shumë e rëndësishme t’i mbani ato në normat normale. Një prej mënyrave është të shtoni sa më shumë prej perimeve dhe frutave me ngjyrë blu në dietën tuaj.

Mbrojnë nga infeksionet

Shumë prej antioksidantëve në frutat e perimet blu, janë në gjendje të aktivizojnë qelizat imune. Me fjalë të tjera, frutat dhe perimet me ngjyrë blu në dietën tuaj, ju forcojnë sistemin imunitar.

Veçanërisht gjatë stinës së ftohjeve dhe gripit, duhet të filloni të hani sa më shumë fruta dhe perime me ngjyrë blu për një sistem imunitar që lufton bakteret dhe viruset përgjegjëse për infeksionet. Me ndihmën e tyre nuk do t’ju duhet të rrini në shtrat asnjë ditë.

Ndihmojnë për mbajtjen nën kontroll të inflamacionit kronik

Ju ndoshta nuk e dini, por brenda trupit tuaj mund të ketë zënë vend inflamacioni. Është diçka që ndodh për arsye të ndryshme, nga stresi tek ekspozimi ndaj toksinave dhe mund t’ju vërë në rrezik për probleme të ndryshme shëndetësore të lidhura me inflamacionin si diabeti, artriti dhe osteoporoza.

Ushqimet me ngjyrë blu janë shumë të pasura me veti anti-inflamatore, duke i dhënë fund inflamacionit kronik me të cilin po përballeni.

Të fundit