Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përgjigje për shkrimin e Fitim Zekthit “Lufta në PD tregon nevojën për njerëz të djathtë"

Politiko 10 Korrik 2017, 17:44

Përgjigje për shkrimin e Fitim Zekthit “Lufta në PD tregon

Vehap Kola

Në një shkrim me titull “Lufta në PD tregon nevojën për njerëz të djathtë” autori, gazetar dhe kandidat i PD në qarkun e Elbasanit, ka marrë në shqyrtim reagimin dhe qëndrimet e disa përfaqësuesve të PD që kanë kërkuar dorëheqjen e Z. Basha pas humbjes dërrmuese të zgjedhjeve të përgjithshme parlamentare. Që në fillim kuptohet se shkrimi i Z. Zekthi nuk është një ndërmarrje analitike e paanshme, por një mision në mbrojtje të Z. Basha. Ndonëse shqetësimi i tij në titull duket të jetë mungesa e pikëpamjes së djathtë në PD, ai e sheh këtë të metë vetëm në radhët e firmëtarëve, por jo në pjesën tjetër të politikanëve kryesorë të PD-së që janë sot në krah të Z. Basha. Duke mos e marrë aspak në analizë veprimin politik, diskurin, ekipin dhe programin e Z. Basha, Zekthi e dëshmon qartësisht se shkrimi i tij është një akt sulmi ndaj kundërshtarëve të kryetarit të vetëngrirë të PD-së.

Për të mos u zgjatur, disa nga shqetësimet e Z. Zekthi në këtë shkrim janë si vijon:

Subjektiviteti

Me të drejtë Fitim Zekthi ka vërejtur se elementë të qartë të subjektivitetit u bënë pjesë e peticioneve që kërkonin dorëheqj en e Bashës, e sidomos prononcimet individuale të mëvonshme të firmëtarëve. Por ai nuk ka mbajtur asnjë qëndrim për subjektivitetin e thellë që ka përshkuar mënyrën e drejtimit të PD-së nga Basha. Akte finale të natyrës subjektive të lidershipit të Bashës janë vendimi për të mos hyrë në zgjedhje në kushtet ekzistuese, vendimi për të nisur protestën e çadrës në bulevard, vendimi për të mbyllur protestën, marrëveshja tërësisht e panjohur për këdo tjetër në radhët e opozitës, dhe sidomos përgatitja e listës së deputetëve. Heshtja përkarshi këtij subjektiviteti efektiv të Bashës e bën tërësisht jolegjitim shqetësimin e Zekthit për notat emocionale në prononcimet e anëtarëve të Kryesisë apo Këshillit Kombëtar të PD-së.

Irracionaliteti

Në shkrimin e tij, Zekthi vëren se reagimi funksionarëve dhe anëtarëve të PD ishte i tejngarkuar me irracionalizëm dhe patos. Nuk është e qartë se mbi ç’kritere e ka mbështetur vlerësimin e tij për irracionalizëm dhe për cilat deklarata apo qëndrime e ka fjalën autori, por ajo që të lë një shije jo të mirë është sërish standardi i dyfishtë që ai zbaton kur mban këtë qëndrim. Një skanim i shpejtë i profileve të disa prej kundërshtarëve më të spikatur të Z. Basha në rrjetin social të krijon qartësisht pamjen e një sulmi të organizuar dhe standard ndaj tyre. Qindra e mijëra komente me tekste të ngjashme dhe argumenta të unifikuar kopjohen e ngjiten përditë nga një repart operatorësh të rrjeteve sociale në postimet e çdocilit prej tyre. Mbështetësit nga mesi i anëtarëve të thjeshtë dhe figurat e rëndësishme në PD kanë bërë thirrje për hapje dosjesh, nxjerrje të palarash dhe dekonspirim të firmëtarëve që shqiptarët dhe demokratët të kuptojnë se kush po e sulmon Z. Basha. E gjithë kjo plojë aspak etike, aspak parimore nuk i është dukur mjaftueshëm irracionale Z. Zekthi sa ta përmendë dh eta gjykojë në shkrimin e tij.

Majtizmi si frymë

Zekthi i ka quajtur komunistë, liberalë apo socialistë politikanët që kanë kërkuar dorëheqjen e kryetarit të vetëngrirë të PD-së. Ai bën një analizë psiqike të firmëtarëve dhe arrin në përfundimin se tiparë psiqike të së majtës gjenden në ligjërimin e tyre. Të lë më gojë hapur injorimi që Zekthi i ka bërë përfshirjes në listat e PD-së të mbrojtësve dhe anvacuesve të axhendave të majta, sic ishtë Znj. Pampuri në Tiranë, programin tërësisht të majtë të PD-së në këto zgjedhje, sjelljen tinëzare të Z. Basha që, ndonëse shprehej për respektim të mendimit ndryshe në PD, përjashtoi krejt papritur këdo që kishte folur kundër tij gjatë këtyre katër viteve dhe mbajti në listë njerëz poaq apo më të përfolur për korrupsion se disa nga të larguarit, etj. Zekthi akuzon të gjithë firmëtarët se në deklaratat e tyre nuk mund të gjeje asnjë element të së majtës, duke injoruar qëndrimet krejt parimore të Alizotit, Malltezit, Kullurit apo Topollajt, të cilët e kanë kritikuar Bashën për sjelljen e kësaj fryme të majtë në parti, i kanë kërkuar të japë dorëheqjen për të garantuar garë të drejtë dhe të ndershme dhe kanë pranuar se ai ka të drejtën të kandidojë sërish. Alizoti dhe Harxhi e kanë akuzuar Bashën për humbjen e tiparëve konservatore të partisë duke krijuar slogane majtiste siç ishte Republika e Re – revolucionarizma që Z. Zekthi i ka dënuar përherë.

Në tërësi, shkrimi i Zekthit, ashtu sikundër e thotë edhe vetë thirrja e tij për “përunjësi, vetëpërmbajtje dhe vullnet për frenim” drejtuar vetëm njërës palë, asaj që nuk ka asgjë në dorë nga pikëpamja ekzekutive dhe organizative në PD dhe amnistimi indirekt i Z. Basha dhe krahut të tij, që ka në dorë edhe gurin edhe arrën dhe po bën zgjedhjet ashtu siç i kërkon ai, është një meshë për të qetësuar të pafuqishmit në PD. Kësisoj, shkrimi është një “opium” që nuk mund të meritojë as titullin që autori i ka vënë, as ndonjë pretendim për konservatorizëm.