Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përgjimet e Dakos përplasin mediat. ‘Balkanweb’: Tv Klan manipuloi dokumentat e Prokurorisë

Politiko 26 Tetor 2018, 10:13

Publikimi i disa materialeve të dosjes nr.339, ku rezulton se kryebashkiaku i Durrësit, Vangjush Dako, është përgjuar nga prokuroria gjatë bisedave me anëtarë të bandës së Avdylajve, ka përplasur mediat në vend.

‘Balkanweb’ dhe emisioni ‘Të Paekspozuarit’ kanë publikuar një pjesë të përgjimeve të prokurorisë dhe akuzojnë televizionin ‘Klan’ se ka manipuluar materialet në kronikën e transmetuar ditën e djeshme.

Sipas Balkanweb, një version i këtyre përgjimeve, vetëm në tekst, pa logon e institucionit dhe pa datat e regjistrimit, u shfaq në Tv Klan. Por, ky version ka dy ndryshime thelbësore nga versioni origjinal.

Shkrimi i plotë i Balkanweb dhe TPZ:

Në fund të bisedës mes Altin Avdylit dhe një personi tjetër, përmendet Vangjushi. Personi i paidentifikuar i thotë Avdylit, që t’i kërkojë Vangjushit para, që disa persona të “votojnë”. Por në versionin e publikuar nga Tv Klan, fjala “votojnë”, është zëvendësuar me “…tojnë (nuk kuptohet!)”.

Shpjegimi se kjo fjalë nuk kuptohet, është i çuditshëm, pasi dokumenti i dalë në media, është transkript në tekst dhe jo një audio. Ai është lehtësisht i dallueshëm, siç mund ta shihni më poshtë në versionin e pubikuar nga “Të Paekspozuarit”.

Versioni i TV Klan:Versioni i plotë origjinal:

Por, përse duhej manipuluar pikërisht kjo fjalë, që i jep edhe kontekst bisedës dhe e lidh atë me zgjedhjet? Biseda e zhvilluar mes këtyre personave, ka ndodhur vetëm një ditë përpara zgjedhjeve të përgjithshme të vitit 2017. Por, në përgjimin e publikuar nga Klan, nuk ka një datë. Pra, duke mos patur datën dhe duke hequr fjalën “votojnë”, biseda e humbet thuajse tërësisht kontekstin që e lidh me zgjedhjet.

Le të supozojmë për një moment, se kjo pjesë nuk është fshirë me qëllim. Nëse kolegët e televizionit Klan, por edhe mediave të tjera që kanë publikuar këtë version, janë të paqartë lidhur me këtë pjesë të bisedës, ata e kanë patur shumë të thjeshtë ta plotësojnë fjalën, sepse dokumenti origjinal është publikuar nga “Të Paekspozuarit” dhe “Balkanweb”. Por versioni i cunguar që është shpërndarë me shpejtësi në portale, vijon të mbetët pa këto dy elementë kyç, që e lidhin bisedën me zgjedhjet e përgjithshme.

Në bisedën tjetër, mes Vangjush Dakos dhe Altin Avdylit, ka një tjetër modifikim të tekstit. Në fund të bisedës, Vangjush Dako, i thotë Avdylit se është rrugës duke u kthyer nga “Fushë Kruja”. Pikërisht, vendndodhja, pra Fushë Kruja, nuk figuron në tekstin e publikuar nga TV Klan dhe një sërë mediash të tjera, kryesisht pranë qeverisë.

Sic mund ta shihni në dokumentin origjinal, “Fushë Kruja” përmendet nga vetë kryetari i Bashkisë dhe është transkriptuar nga prokuroria.

Versioni i TV Klan:

Versioni i plotë origjinal:

Nuk dihet përse zbulimi i vendndodhjes së Vangjush Dakos, në datën 27 Qershor 2018, dy ditë pas zgjedhjeve të përgjithshme, mund të përbëjë një problem për të. Por, fakt mbetet se zoti Dako gjatë bisedës me Altin Avdylin, alias Niçja, ka qenë duke u kthyer nga Fusha Kruja, siç e pohon edhe vetë.

Ka një përpjekje të qartë për të ndërhyrë në transkriptin origjinal dhe kjo dëshmohet nga fakti se fjalë kyç të përgjimit mungojnë ose janë modifikuar. Me sa duket propaganda e qeverisë, nëpërmjet një dore shumë të stërvitur, ka bërë çmos që qytetarët të marrin një version të cunguar të këtyre dy përgjimeve.