Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përkeqësohet situata e përmbytjeve në Shkodër, 2285 hektar ndodhen nën ujë

Politiko 9 Mars 2018, 09:39
Përkeqësohet situata e përmbytjeve në Shkodër, 2285

Situata e përmbytjeve në qarkun e Shkodrës vijon të jetë e rënduar.  Pas inspektimeve në terren të bëra nga Bashkia Shkodër, në Njësitë Administrative të përmbytura situata e përmbytjeve vazhdon të jetë vetëm në përkeqësim të vazhdueshëm dhe sipërfaqja totale ka arritur në 2285 Ha.

Sipas njoftimit, deri në këto momente, janë 795 ha tokë e përmbytur në Njësinë Administrative të Dajçit: Fshati Mushan 290 ha, fshati Shirq 240 ha, fshati Darragjat 40 ha, fshati Suka-Dajç 90 ha, fshati Dajç 130ha, Samrisht i Vjetër 5 Ha.

Në lagjen Zadrimë, në fshatin Shirq janë të bllokuara nga uji 26 familje. Niveli i ujit ka pësuar rritje përsëri dhe ka tendencë rritjeje.

Gjithashtu nga prurjet janë të izoluara edhe 4 shtëpi në fshatin Mushan teksa kërkohet të ndërhyhet për lartësimin e argjinaturës së Pentarit afërsisht në 300 m gjatësi.

Ndërsa në Njësinë Administrative Ana e Malit, situata vijon të precipitojë. Nuk mund të kalohet as me makinë ushtrie por vetëm me varka.

1200 ha tokë janë të përmbytura: Fshati Muriqan 420 ha, fshati Oblikë 580 ha dhe fshati Obot 200 ha.

Në njësinë administrative Bërdicë, është rritur sipërfaqja e përmbytur në rreth 290ha tokë të ndara sipas fshatrave, Trush – 140 Ha, Bërdicë e sipërme 40 Ha, Bërdicë e Madhe 110 Ha.

Në njësinë administrative Velipojë, në fshatin Luarz vazhdon të dale ujë nga argjinatura dhe vlerësohet se rreziku është shumë i madh pasi niveli i ujit është rritur shumë.

Gjithashtu në njësinë administrative Gur i Zi konstatohet fenomeni i erozionit në tokat bujqësore. Vazhdon gërryerja e tokës në fshatin Juban, në afërsi të Malit të Vukatanës në një vijë prej 1 km.

Në njësinë administrative Rrethina , në fshatin Zues janë të përmbytura 70 Ha tokë nga të cilat 10 Ha ndodhen poshtë fshatit Zues dhe 60 Ha tokë e këtij fshati në fushën e Oblikës.

Të fundit