Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përleshje në kampin e refugjatëve në Greqi, 10 të plagosur

Politiko 20 Dhjetor 2017, 14:15
Përleshje në kampin e refugjatëve në Greqi, 10 të

Në Greqi janë shënuar gjatë natës përleshje në kampin e refugjatëve Moria, në ishullin Lesvos.

Përplasja mes azilkërkuesve ka nisur në orët e vona të mbrëmjes dhe ka përfunduar në orët e para të mëngjesit të së mërkurës.

Sipas agjencisë zyrtare të lajmeve, ANA-MPA, shkaku i përleshjeve lidhej me përdorimin e mjediseve higjienike të kampit. Agjencia shton se përleshjet janë rezultat i divergjencave etnike midis refugjatëve nga vendet arabe, nga njëra anë; dhe nga ana tjetër, atyre nga Iraku e Afganistani që konsiderojnë se refugjatët arabë kanë trajtim më të privilegjuar nga shërbimet e azilit.

Incidentet morën fund në orët e para të mëngjesit të së mërkurës, pas ndërhyrjes së forcave të shumta policore që përdorën shashka zhurmuese dhe gaz lotsjellës. Dhjetëra refugjatë u shoqëruan në komisariatin e policisë së ishullit dhe për dy prej tyre u vendos masa e paraburgimit.

Rreth 15 refugjatë, dy prej të cilëve të plagosur me thika, u dërguan në spitalin e Mitilinit. Një numri të madh refugjatësh iu dha ndihma mjekësore në mjediset e kampit.

Sipas administratës së kampit është dëmtuar për shkak të zjarreve një numër i konsiderueshëm çadrash, por edhe ambiente të tjera ndihmëse.

Trazirat në kampin e Morias janë shndërruar në një fenomen të zakonshëm. Ato shkaktohen sidomos nga vonesat jashtëzakonisht të mëdha në trajtimin e kërkesave të refugjatëve për azil.

Të fundit