Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përmbytjet, fjalët e Ramës nuk përputhen me të dhënat zyrtare të Emergjenca Civile

Politiko 4 Dhjetor 2017, 21:21
Përmbytjet, fjalët e Ramës nuk përputhen me të

Fundjavën që sapo lamë pas shumë zona të vendit, si pasojë e shirave të dendur dhe daljes nga shtrati të lumenjve, u përmbytën. Të njëjtat zona u përmbytën edhe dy vite më parë.

Gjatë inspektimeve në zonat e përmbytura, të cilat janë të njëjtat zona që u përmbytën edhe në 2015-ën, Rama fliste për ‘suksese’ duke thënë se në saj të masave të marra dhe reagimit të kohë të institucioneve dëmet e shkaktuara janë më të vogla në krahasim me përmbytjet e ndodhura në 2015-ën, edhe pse sipas Ramës rreshjet e rëna ishin më të mëdha.

Por ti referohesh të dhënave që jep ministria e Brendshme dhe Emergjencat Civile situata është krejt ndryshe nga ajo që thotë kryeministri.

Sipas shifrave zyrtare këtë vit numri i shtëpive të përmbytura është 4700 ose gati 7 herë më i madh nga ai që ishte dy vjet më parë. Në vitin 2015 u përmbytën 9992 hektarë tokë, ndërsa këtë vit sipërfaqja e përmbytur është 10 mijë e 622 hektarë. Këtë herë janë përmbytur 56 shkolla nga 16 që u përmbytën dy vjet më parë, ndërsa urat e dëmtuara kanë qenë 65 nga vetëm 10 që ishin në vitin 2015. I vetmi bilanc pozitiv rezulton ai i bizneseve, të cilat këtë vit janë përmbytur më pak nga 300 që ishin në 2015-ën në vetëm 40 këtë herë.

Që Rama i ka konsultuar këto të dhëna të institucioneve zyrtare kjo nuk ka asnjë dyshim por pikëpyetja që ngrihet është se pse kryeministri flet për situatë më të mirë kur të dhënat flasin ndryshe? A po i paraprin Rama në këtë mënyrë dëmshpërblimit të banorëve duke pasur parasysh faktin që vetë po trumbeton se ‘dëmet janë më të ulëta se 2015-ta’?

 

 

 

 

 

 

    

Të fundit