Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasja Rama-Haradinaj/ Spiropali: Nuk jam zonjë që përgojoj zotërinjtë në studio

Politiko 3 Maj 2019, 08:20

Përplasja Rama-Haradinaj/ Spiropali: Nuk jam zonjë që

Ministrja e Shtetit për Parlamentin, Elisa Spiropali e pranishme në samitin e Berlinit ka komentuar përplasjen publike mes kryeministrit Edi Rama dhe homologut të tij kosovar, Ramush Haradinaj, pasi sipas tij, Rama dhe Thaçi i kishin bërë presion më shumë se Vuçiç për heqjen e taksës ndaj mallrave serbe.

E ftuar në studion e ‘Mbrëmje në ABC News’, Spiropali preferoi të përgjigjet duke folur në tërësi, teksa tha se “unë nuk jam burrë që nxjerr llafet e bisedave, jam një grua që i qëndroj fjalëve. Janë burrat që në traditën tonë ballkanike nxjerrin fjalët që diskutohen”.

Diskutimi:

Spiropali: Unë nuk jam burrë që nxjerr llafet e bisedave, jam një grua që i qëndroj fjalëve që janë thënë aty. Sepse shpesh në këtë botën tonë ballkanike janë burrat që ngrefosen, shpesh rrejnë, në traditën tonë ballkanike nxjerrin fjalët që diskutohen.

Milori: Ka ndonjë zotëri që ka nxjerrë informacion të gabuar në takimin me zonjën Merkel?

Spiropali : Nuk iu referova fare takimit me zonjën Merkel, po flas në tërësi. Në samite të tilla është mirë që shqiptarët të shkojnë të bashkuar, me një qëndrim të qartë dhe mos t’i përdorin bisedat e brendshme të këtyre samite për të fituar kredo politike, shpesh të rreme dhe të keqinformuara.

Milori : Mund të jetë kryeministri i Kosovës një zotëri që nxjerr fjalët ndryshe nga ç’thuhen?

Spiropali : Nuk jam zonjë që përgojoj zotërinjtë në studio

Milori: Ngaqë pati një përballje mes Haradinaj dhe Ramës...

Spiropali: Është sqaruar nga kryeministri se si ishte situata aty dhe Merkel e Macron janë të investuar në Rajon dhe ky samit ishte një konfirmim i kësaj përpjekje të madhe i këtyre dy fuqive të BE për të mbështetur bashkëpunimin në rajon e për të vijuar procesin negociatave dhe për të gjetur një zgjidhje finale për çështjen e Kosovës.

Nuk ka asnjë tension mes Ramës dhe kryeministrave të tjerë të Rajonit, aq më pak me atë të Kosovës. Pra, ne si qeveri jemi të vendosur ta mbështesim Kosovën në rrugën e saj, duke qenë të vetëdijshme që vendimet i marrin udhëheqësit kosovar, nuk jemi pjesë e vendimmarrjes për çështjen Serbi Kosovë, por kemi mendimet tona dhe e mbështesim Kosovën pa asnjë rezervë.

Kujtojmë se dy ditë më parë reagoi Rama ku shkruante se Haradinaj ka gënjyer për t’u dukur “burrë i mirë” përpara qytetarëve të tij. Replikat mes Kryeministrave kanë vijuar edhe dje ku Haradinaj i është përgjigjur Ramës dhe tha se ai do thotë gjithmonë të vërtetën.