Përplasja tek Teatri, artistja përshëndet policët me vargjet e Havzi Nelës, poetit të vrarë nga diktatura

Sheshi përpara Teatrit Kombëtar është kthyer në një skenë gjigante ku artistë, qytetarë dhe forca të shumta policie ‘luajnë’, ndoshta, aktin e fundit të një drame që vazhdon prej muajsh.

Ndërsa godina e Teatrit vazhdon të boshatiset nga orenditë, qytetarët vazhdojnë të mbushin sheshin.

Artistët, një pjesë e të cilëve në lot, janë shprehur me tone të ashpra kundër qeverisë, kryeministrit Edi Rama dhe kryebashkiakut Erjon Veliaj.

Ata shprehen se do ta mbrojnë edhe me jetën e tyre Teatrin nëse do të duhej.

Një prej artisteve të pranishme i ka ‘përshëndetur’ forcat e shumta të policisë që janë të pranishëm përreth Teatrit  me disa vargje nga poeti Havzi Nela.

Kujtojmë se Havzi Nela u dënua me varje në litar nga regjimi komunist më 9 gusht 1988.