Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasje brenda PS? ‘Rilindasit’ e Ramës pothuajse i kanë asgjësuar që tani socialistët

Politiko 30 Tetor 2018, 23:40

Përplasje brenda PS? ‘Rilindasit’ e Ramës pothuajse i

Largimi i Fatmir Xhafajt nga detyra e ministrit të Brendshëm ende pa asnjë motivacion ka shtuar zërat se brenda Partisë Socialiste janë krijuar të paktën dy klane të forta që po luftojnë me njëri-tjetrin. Njohës dhe ndjekës të politikës në Shqipëri flasin edhe për një përballje “rilindas vs socialistë”, duke iu referuar ndarjes që ish-deputeti Ben Blushi bënte një vit më parë në sallën e Kuvendit gjatë përplasjeve me kryeministrin Edi Rama.

Në rast të një përballje të mundshme të ‘rilindësve’ me socialistët, këta të fundit ka shumë gjasë që të dalin të humbur.

Kur Edi Rama u zgjodh kryetar i Partisë Socialiste në vitin 2005-të, gjeti nga Fatos Nano një parti që kishte 42 deputetë, ndërkohë që 13 vite më vonë numri është shtuar në 73. Një rritje jo e vogël kjo për PS-në nën drejtimin e Ramës.

Por kjo rritje e numrit të deputetëve të PS rezulton se është bërë në kurriz të socialistëve, të cilët janë zëvendësuar nga ‘rilindasit’. Vetëm 11 deputetë që hynë në Kuvend në vitin 2005 vijojnë të jenë ende brenda asaj salle, pjesa më e madhe e kolegëve të tyre janë larguar nga politika aktive, kryesisht pas përplasjeve me Ramën, ndërsa ata që kanë patur fat janë sistemuar në institucione të tjera.

Gramoz Ruçi, Pandeli Majko, Erjon Braçe, Bashkim Fino, Fatmir Xhafaj, Musa Ulqini, Blendi Klosi, Taulant Balla, Paulin Sterkaj, Tom Doshi dhe Sadri Abazi janë ata që kanë mbetur brenda Kuvendit pas 13 vitesh. Listës i shtohet edhe Anastas Angjeli, një figurë e vjetër në PS por që në zgjedhjet e 2005-ës nuk arriti të fitojë votat e mjaftueshme për deputet. Marrëdhënia e tyre me Ramën pas ardhjes në pushtet ka patur ulje dhe ngritje, por gjithsesi, ata vijojnë të jenë ende në krah të kryetarit. Disa prej tyre, Balla dhe Abazi, sillen prej kohësh si ‘rilindas’ dhe jo si socialistë, çka i jep Edi Ramës të gjithë sigurinë se në krye të Partisë Socialiste është i paprekshëm.

Shumë prej socialistëve janë larguar në heshtje nga PS, duke e mbajtur të fshehur konfliktin që kanë patur me kryetarin. Edhe nëse kjo përplasje, që përflitet se po ndodh brenda partisë në pushtet, nuk del në sipërfaqje, për socialistët mund të jetë goditja e fundit që do të sjellë asgjësimin (në heshtje) nga ‘rilindasit’ e Edi Ramës.

Deputetët e PS në vitin 2005 kur Edi Rama u zgjodh kryetar: