Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasje mes Hajdarit dhe Gjiknurit te "Ligjet", opozita bojkoton mbledhjen

Politiko 30 Shtator 2020, 12:43

Përplasje mes Hajdarit dhe Gjiknurit te "Ligjet", opozita

Ka vijuar me debate të forta mbledhja e sotme e Komisionit të Ligjeve, ku kryefjalë e diskutimit janë listat e hapura dhe koalicionet parazgjedhore.

Palët politike kanë pasur qëndrime të ndryshme gjatë diskutimit nen për nen të propozimeve për projektligjin për Kodin Zgjedhor.

E gjendur në këtë situatë, Rudina Hajdari ka kërkuar të shtyhet mbledhja e Komisionit të Ligjeve për t’u takuar ditën e nesërme pas mbledhjes së Këshillit Politik të thirrur nga vetë Damian Gjiknuri, në të cilën po ashtu pritet të bëhet shqyrtimi i propozimit të PD-LSI për hapjen e listave.

“Opozita jashtëparlamentare ka ngritur vetëm një çështje; çështjen e koalicioneve. Ai debat duhet të vijojë këtu. Por është e vështirë për t’u gjetur një kompromis. Për çështjen e listave të hapura ata nuk kanë shprehur akoma, por të gjitha argumentet përqendrohen tek çështja e koalicionit. Koalicioni tashmë është i lejueshëm. Nuk e ndërpret dhe procesin tjetër në Këshillin Politik”, tha Gjiknuri.

“Ta shtyjmë mbledhjen e Komisionit të Ligjeve sepse vetë Gjiknuri ka thirrur mbledhjen e Këshillit Politik për të shqyrtuar propozimin e PD e LSI Të synojmë nesër konsensusin dhe gjithpërfshirjen. Të takohemi këtu pas mbledhjes së Këshillit Politik”, u shpreh më vonë Hajdari, por kjo kërkesë nuk u mbështet nga Gjiknuri i cili theksoi se Komisioni i Ligjeve nuk ka pse të ndërpresë mbledhjet.

Kështu Hajdari iu bëri thirrje kolegëve të saj opozitarë që të bojkotojnë mbledhjen e komisionit.

Debati në komision

Rudina Hajdari: Ta shtyjmë mbledhjen e Komisionit të Ligjeve sepse vetë Gjiknuri ka thirrur mbledhjen e Këshillit Politik për të shqyrtuar propozimin e PD e LSI. Të synojmë nesër konsensusin dhe gjithpërfshirjen. Të takohemi këtu pas mbledhjes së Këshillit Politik

Gjiknuri: Nuk kemi pse pengojmë Komisionin e Ligjeve. Këshilli Politik do të vazhdojë nesër, por ne këtu do vazhdojmë pa e ndërprerë punën. Do të vazhdojmë dhe nesër, të shohim ku mund të afrohemi, pa e cënuar frymën e Kushtetutës

Hajdari: Ato që do diskutojmë ne sot, preken drejtpërdrejt nga propozimi i opozitës jashtë parlamentare. Duhet t’i marrim parasysh propozimet e tyre. Janë të njëjtat nene. Do të duhet tu rikthehemi më pas. Nëse nuk doni konsensus, është puna juaj. Po nëse keni vullnet t’i përfshini edhe ata, edhe për votën parapëlqyese edhe për koalicionet, ndalojeni këtë mbledhje, dhe vazhdojmë pas Këshillit Politik. Ky është një gabim shumë i rëndë. Tregojeni vullnetin e mirë, tani, në këtë momente. Ndërprisni këtë mbledhje. Të biem dakord në Këshillin Politik se si do të hapen listat, pra të vijmë këtu.

Gjiknuri: Habitem se znj. Hajdari ka ndryshuar mendim për këshillin politik. Fryma e re e Kushtetutës e ka mbyllur debatin për koalicionet. Është pikë e vështirë për të gjetur kompromis, kudo që mund ta diskutojmë atë. Ky proces do të vazhdojë këtu, por nuk e ndërpret punën e Këshillit Politik

Hajdari: Ne do ta bojkotojmë këtë mbledhje, s’mund të lejojmë ta kaloni nen për nen

Manja: Jeni të lirë të gjithë

Murrizi: Damiani është kthyer në transportues që nga 14 janari. Ka mëkate për të larë. Do na sjellë prapë letra nga Këshilli Politik që ta votojmë