Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasje në FRD pas largimit të Bogdanit nga koalicioni i majtë; këshilltarja thirrje Bamir Topit: Të bashkohemi me opozitën

Politiko 28 Korrik 2018, 21:11

Përplasje në FRD pas largimit të Bogdanit nga koalicioni i

Brenda Frymës së Re Demokratike ka patur përplasje pas vendimit të anëtares Mirela Bogdani për t’u larguar nga koalicioni i majtë në këshillin bashkiak të Tiranës dhe për të kaluar si këshilltare e pavarur në opozitë.

Këtë vendim e kundërshtoi Andi Seferi, nënkryetar i FRD-së në bashki, duke deklaruar se vendimi i Bogdanit nuk përfaqëson të gjithë partinë. Kësaj deklarate, Mirela Bogdani i është përgjigjur me një reagim të gjatë dhe me propozime konkrete brenda.

Ajo kërkon nga kryetari i FRD-së dhe strukturat që të shprehen për zhvillimet e fundit në bashki dhe shkeljet e kryebashkiakut Erion Veliaj, si dhe propozon që kjo parti të bashkohet me frontin opozitar, PD-LSI, për zgjedhjet lokale të vitit 2019-të.

“Duke folur për zgjedhjet e ardhshme, shpreh bindjen dhe besoj fort se FRD dhe të gjitha forcat e djathta duhet të bashkohen në një front të fuqishëm opozitar, sepse vetëm kështu mund të thyejnë diktaturën e së keqes që është instaluar dhe po përhapet frikshëm në këtë vend”, shprehet Bogdani.

Reagimi i plotë i Mirela Bogdanit:

Ne pergjigje te rrogetarit te Velise,

Sot Andi Seferi, nenpunesi i FRD-se ne Bashkine e Tiranes, i punesuar aty si pasoje e koalicionit FRD-PS ne zgjedhjet e fundit lokale, ka bere nje deklarate personale, sipas te ciles vendimi i Mirela Bogdanit per tu larguar nga koalicioni i majte nuk perfaqeson FRD-ne.

Z.Seferi, se pari une perfaqesoj 6000 qytetaret e Tiranes qe me kane dhene voten, kurse ti je thjesht nje vasal dhe vartes i Erjon Velise dhe interesi jot i vetem eshte ti besh hyzmetin rroges dhe pozicionit te nenkryetarit, te cilat jane e vetmja gje qe te shqeteson ti humbasesh. Une jam e zgjedhura e qytetareve, ti je hyzmeqari i Erjon Velise.

Se dyti, une edhe sepse anetare e Kryesise se FRD-se, drejtuese e Departamentit te Integrimit, anetare e deges se Tiranes – ndryshe nga fleterrufeja jote infantile ku thua qe nuk perfaqesoj prej kohesh asnje forum - dhe mbi te gjitha e vetmja keshilltare e votuar nga qytetaret per FRD-se ne Tirane, ne vendimin dhe deklaraten time nuk kam folur ne emer te FRD-se, por timin personal.

Se treti, kush je ti qe flet ne emer te FRD-se? Qendrimin zyrtar per vendimin tim duhet ta japin strukturat drejtuese te partise dhe Kryetari i saj Z.Bamir Topi.

Se katerti, ti mund te vazhdosh te jesh nenpunesi i bashkise, sepse dukshem kryetari i saj do te shperbleje per fleterrufene vasale dhe lepirese, po ti nuk mundet qe i “vete-pagezuar” si “krahu i djathte i Bamir Topit” te shprehesh ne emer te nje partie te tere, qe akoma nuk eshte mbledhur per te shprehur qendrimin e saj, ta shapallesh veten si “perfaqesues i koalicionit”.

Se katerti, kush je ti qe “lajmeron” se ne cilin koalicion do te jete FRD-ja ne zgjedhjet e ardhshme? Ate vendim gjithashtu e marrin strukturat e partise, dhe jo ti me Erjon Veline, aty te paradhoma e tij, ku dhe eshte ideauar dhe shkruar kjo leter.

Dhe duke folur per zgjedhjet e ardhshme, shpreh bindjen dhe besoj fort se FRD dhe te gjithe forcat e djathta duhet te bashkohen ne nje front te fuqishem opozitar, sepse vetem keshtu mund te thyejne diktaturen e se keqes qe eshte instaluar dhe po perhapet frikshem ne kete vend.