Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përsëri të arrestuar në Vlorë, dy banorë të Selenicës kapen me armë në mes të natës

Politiko 16 Korrik 2017, 09:53
Përsëri të arrestuar në Vlorë, dy banorë të

Nuk ka ditë që të mos ndodhë diçka në Vlorë. Eshtë qytet i madh dhe kulmi i sezonit veror, por ngjarjet e rënda ndodhin përditë. Aksidente, plagosje, arrestime, drogë, mbytje… Vlora është terrorizuar këto ditë nga ngjaret e rënda. Në mes të natës, ditën, kudo, në qytet e në fshat … forca të shumta policore shfaqen gjithandej. Lajmërohet se edhe mbrëmë, u arrestuan gjatë natës në Vlorë, dy banorë të Selenicës, pasi u kapën me armë.

Një 39 vjeçare i quajtur Mikel Mehmetaj, si dhe Vasil Papa, 34 vjeç,  po udhëtonin me një automjet tip “Porsche Cayenne” në momentin që u pikasën nga policia.

Sipas deklaratës, në “orët e e mesnatës, strukturat e policisë së qarkullimit rrugorë kanë konstatuar një automjet të dyshimtë në lagjen “H.Çakërri”, i cili nuk iu është bindur patrullës së policisë por ka rritur shpejtësinë me qëllim për t’iu shpëtuar atyre”.  Menjëherë, shërbimet e policisë mbështetur nga strukturat e rendit, i janë vënë në ndjekje këtij mjeti derisa kanë bërë të mundur bllokimin e tij në lagjen “28 Nëntori” Vlorë. Gjatë kohës së ndjekjes është parë se personat kanë hedhur në tokë diçka të dyshimtë nga dritarja e mjetit.

Nga kontrolli i ushtruar brenda dhe jashtë mjetit tip “Porsche Cayenne” në një distancë prej 40-50 m larg mjetit, u gjet në tokë një armë zjarri tip Pistoletë e llojit “Berreta” bashkë me krehrin e mbushur me fishekë, por edhe me 1 fishek në fole (në gojën e armës). Policia nuk sqaron nëse dy personat kishin për qëllim të kryenin ndonjë akt kriminal.

Materialet janë referuar në Prokurori në ngarkim të tyre për veprat penale “Prodhimi dhe mbajtja pa leje e armëve luftarake e municioneve” dhe “Mosbindja ndaj urdhërit të punonjësit të policisë së rendit publik”.

Të fundit