Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Plagosja e aktivistit të LSI në Shëngjin, Luan Rama akuza të forta Ramës dhe Çakos

Politiko 25 Qershor 2017, 10:28

Plagosja e aktivistit të LSI në Shëngjin, Luan Rama akuza të

Menjëherë pas ngjarjes së rëndë në Shqëngjin ka reaguar nënkryetari i LSI-së Luan Rama.

Rama quan ngjarje kriminale ngjarjen e ndodhur jashtë një qendre votimi në Shëngjin ku u është lënduar një aktivist i LSI-së.

Në një deklaratë për mediat Rama tha se aktivisti i tyre u plagos nga tre persona të armatosur.

Rama akuzoi kryeministrin Edi Rama dhe drejtorin e Policisë së Shtetit Haki Çako se janë përgjegjës për çdo gjaku të qytetarëve të pafajshëm të derdhur në Lezhë apo kudo tjetër.

“Në Shëngjin para pak çastesh, një aktivist anëtarë i LSI është plagosur nga tre njerëz të armatosur në përbërje të një grupi të njohur kriminal të rilindjes që prej ditësh vepron në mbrojtjen e strukturave kriminale të policisë së shtetit në atë qark. I plagosuri është Florja Dushku, ka qenë në punën e vet, në një aktivitet normal. Është plagosur nga ata që rilindja i ka klonuar dhe fabkrikuar në mënyrë të kriminalizuar për ti përdorur siç i ka përdorur gjatë gjithë fushatës por më drejtëpërdrejtë si i përdori sot. Është rasti i tretë në Lezhë që aktivistë të LSI plagosen nga e njëjta bërthamë që vepron atje. Ky është një prej rasteve që është produkt i kësaj klime të inkriminuar që është krijuar prej investimit kriminal të rilidjes.

Ashtu si ka ndodhur deri sot, për çdo pikë gjaku të qytetarëve të pafajshëm të derdhur në Lezhë apo kudo tjetër përgjegjësia bie mbi kryeministrin e rilidnjes Edi Rama dhe Drejtorin e Përgjithshëm të Policisë. I është kërkuar Haki Çakos edhe nga Ministri i Brendshëm të shkarkojë ekipin drejtues të policisë së Lezhës pas një morie rastesh kriminale të shfaqura atje edhe me mbështetjen e policisë dhe nuk ka reaguar, ky është një mosveprim kriminal që krijon atë terren dhe situatë që është reflektuar dhe sot.

Ka një polici që i pret në besë dhe nxit kriminelët ti vrasë. U bëj thirrje qytetarëve të ruajnë qetësinë dhe ti shmangen provokimeve që vinë prej këtyre grupeve kriminale të financuara nga paratë e hashashit dhe gjithë veprimtarisë tjetër kriminale. Me qetësi, maturi dhe dashuri të votojnë kundër kësaj kaste kriminale që i fut njerëzit siç po ndodh në Lezhë, siç ndodhi dhe mbrëmë gjatë natës në Kashar ku prej eksponentëve të rilindjes u qëllua në kokë një komisioner i LSI. Asnjë kriminel, asnjë bandit me uniformë polici ose pa uniformë, me post Kryeministri apo pa post Kryeministri nuk do mund të trembë apo ndalojë qytetarët të votojnë për dinjitetin e tyre dhe kundër kësaj kaste kriminale” tha nënkryetari i LSI.