Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Plani i qeverisë, zërat kundër, dhuna e policisë/ Reuters pasqyron shembjen e Teatrit Kombëtar dhe tensionet që solli pas

Politiko 17 Maj 2020, 16:40
Plani i qeverisë, zërat kundër, dhuna e policisë/ Reuters

Agjencia e lajmeve Reuters shkruan për shembjen e Teatrit Kombëtar në Tiranë dhe tensionet që solli pas.

Në analizën e medias së huaj listohen reagimet kundër prishjes së godinës, plan i qeverisë pro një godinë të re dhe arrestimet e sotme si dhe dhuna e përdorur ndaj protestuesve dhe analistit Alfred Lela.

Pasqyrimi i plotë:

“Autoritetet shqiptare nisën shembjen e ndërtesës së Teatrit Kombëtar të dielën herët në mëngjes, pasi tërhoqën dy duzina me aktorë dhe aktivistë që mbrojtën sitin, nën thirrjet "turp" dhe "diktaturë".

Për më shumë se dy vjet aktorë, aktivistë dhe opozita kanë kundërshtuar planin e kryeministrit socialist Edi Rama për të ndërtuar një teatër të ri, me argumentin se ndërtesa ekzistuese ishte pjesë e trashëgimisë së vendit. Ata e akuzuan kryeministrin për praktika korruptive.

Fati i godinës, ndërtuar në 1939 dhe kthyer një teatër kombëtar në 1945, solli zemërim të madh edhe për faktin se kryeministri i vendit Edi Rama zgjodhi ta shembë ndërtesën pikërisht gjatë pandemisë covid 19.

 "Kjo nuk ka të bëjë më me rrënimin e teatrit, por rrëzimin e demokracisë dhe lirisë. Ne jemi në diktaturë”, tha një anëtar i paidentifikuar i aleancës për mbrojten e Teatrit në një komunikim në Facebook.

Rama, qeveria e të cilit thotë se teatri ishte i rrezikuar dhe kishte nevojë për modernizim, i qëndroi mendimit se po nxiste përparimin, pasi ndërtoi një stadium dhe treg të ri futbolli.

"Këta janë të njëjtët njerëz që ngrihen kundër çdo projekti në Tiranë. Ata nuk duan zhvillim, por nuk mund ta ndalojnë Tiranën, ”tha Rama në një postim në Facebook.

Tensionet u përshkallëzuar me arrestimin e 37 protestuesve që kundërshtonin shembjen. Një polic u shtrua në spital pasi u godit nga protestuesit, ndërsa një dëshmitar i Reuters gjithashtu pa një protestues me lëndime në kokë.

Një prej personave që u shoqërua në polici, analisti Alfred Lela, pas lirimit u shpreh se policia kishte përdorur dhunë të pajustifikuar dhe abuzim verbal ndaj tij. Policët shkelmuan protestuesit, të cilët hodhën shishe uji, sipas një dëshmitari të Reuters. Policia tha se akuzat për dhunë ishin të pavërteta.

Kritikët e planit fillestar për një teatër të ri thanë se projekti i ishte premtuar një prej partnerëve të preferuar të qeverisë pa qenë subjekt i tenderit, për të ndërtuar subjeke të tjera të përfshira në marrëveshje.

Protestuesit kanë pohuar se me ligj kërkohet një periudhë gjashtë mujore që të miratohet një projekt i ri, dhe se qeveria nuk ka siguruar lejet e duhura për të realizuar prishjen.

Mariya Gabriel, Komisioneri i Inovacionit, Kërkimit, Kulturës, Edukimit dhe Rinisë së Bashkimit Evropian, javën e kaluar nxiti diskutime të mëtejshme para se të merrej ndonjë vendim mbi teatrin.

Kreu i Partisë Demokratike të Opozitës, Lulzim Basha nga ana tjetër deklaroi se prishja ishte e paligjshme, dhe gjithashtu "shkatërroi themelet e shoqërisë".

Presidenti Ilir Meta, u ankua në gjykatën kushtetuese për shembjen e godinës, vendim që e ka quajtur një "krim juridik, moral dhe kushtetues". Gjykata ende nuk ka marrë një vendim.

Reuters

Të fundit