Ndërhyrja për rikonstruksionin e autostradës Tiranë-Durrës duket se nuk do t’ua prishë planet e fundjavës.
Nëse keni në plan që këtë fundjavë ta kaloni në Durrës, rruga do të jetë e hapur në të dyja korsitë e qarkullimit.
Autoriteti Rrugor Shqiptar dhe Policia Rrugore njofton se nga ora 12.00 e ditës së nesërme rruga do të jetë e hapur dhe do të mbyllet të hënën në orën 06.00.
“Autoriteti Rrugor Shqiptar dhe Policia Rrugore informojnë se deri ditën e premte dt. 15 Qershor, ora 12:00, përfundon ndërhyrja në segmentin Vorë-Maminas.
Me synim lehtësimin e lëvizjes së pushuesve që frekuentojnë plazhet gjatë fundjavës, nga dita e Premte ora 12:00 deri mëngjesin e të Hënës ora 06:00 aksi rrugor Tiranë-Durrës do të jetë i hapur për kalimin e mjeteve në të dyja drejtimet.
Ditën e Hënë ora 06:00 do të mbyllet segmenti Maminas-Sukth ku do vazhdojë ndërhyrja. ARRSH dhe Policia Rrugore do informojnë gjatë ditës së Dielë për orientimin e trafikut gjatë kësaj ndërhyrjeje”, sqaron ARRSH.
Discussion about this post