Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Po shiste kokainë në Gjermani, arrestohet ish-futbollisti i Skënderbeut

Politiko 29 Maj 2018, 19:47
Po shiste kokainë në Gjermani, arrestohet ish-futbollisti i

Një ish-futbollit shqiptar është arrestuar para disa ditëve në Gjermani pasi u kap në flagrancë me 3 kg kokainë me vlerë 45 mijë euro si dhe me 10 kg marijuana dhe 500 gr heroine që vlente 33 mijë euro.

Ndonëse autoritet nuk kanë bërë të ditur emrin, 'newsport' ka zbuluar se lojtari në fjalë është Bekim Kuli, i cili ka luajtur me disa ekipe në Shqipëri, si Dinamo, Skënderbeu, Teuta, Besa dhe së fundmi Bylis në Kategorinë e Parë.

Policia monitoronte prej kohësh zonën në lindje të qytetit të Regensburgut dhe kishte organizuar një operacion ku personat që mbaheshin në mbikëqyrje, përfshirë edhe ish-futbollistin shqiptar, kishin bërë negociata me oficerë policie për shitjen e 3 kg kokainë.

Ai kishte shkuar edhe në Holandë për të inspektuar ‘mallin’, por më pas marrëveshja nuk ishte realizuar. Palët më pas kishin bërë negociata për shitjen e një sasie marijuane dhe heroine. Pasi transaksioni ishte kryer, policia i kishte vënë prangat personave të përfshirë. Roli i ish-futbollistit shqiptar kishte qenë të numëronte dhe ruante paratë.

Pas një seance gjyqësore me dyer të mbyllura prej rreth një ore e gjysmë dhe bisedimesh edhe me familjarët e dëshpëruar të tij, u arrit një marrëveshje. Gjykatësi i ofroi një marrëveshje prej 2 vitesh e gjysmë deri në tre vite burg për një dëshmi të plotë. Ai pranoi, duke treguar edhe emrat e bashkëpunëtorëve.

36-vjeçari sqaroi para trupit gjykues se ai kishte shkuar në Gjermani në dhjetor të 2017 me qëllimin për tu bërë trajner, por ishte mashtruar nga personi që i kishte premtuar këtë gjë.

Të fundit