A duhet të pini kafe me stomakun bosh?

Kafeja është një pije aq e njohur saqë nivelet e konsumit të saj janë të dytat pas konsumimit të ujit në disa vende.

Përveç që ju ndihmon të ndiheni më pak të lodhur dhe më vigjilent, kafeina në kafe mund të përmirësojë gjendjen shpirtërore, funksionin e trurit dhe performancën e ushtrimeve. Mund të rrisë gjithashtu humbjen e peshës dhe të mbrojë nga sëmundjet si diabeti i tipit 2, Alzheimer dhe sëmundjet e zemrës.

Shumë njerëz kënaqen duke pirë kafe në mëngjes. Megjithatë, disa njerëz pohojnë se konsumimi i saj me stomakun bosh mund të dëmtojë shëndetin tuaj.

Ky artikull diskuton nëse duhet të pini kafe në stomak bosh.

A shkakton probleme të tretjes?

Kërkimet tregojnë se idhtësia e kafesë mund të stimulojë prodhimin e acidit të stomakut.

Si i tillë, shumë njerëz besojnë se kafeja irriton stomakun tuaj, përkeqëson simptomat e çrregullimeve të zorrëve si sindroma e zorrëve të irrituara ose siç njihet ndryshe në Shqipëri "rrjedhja e zorrëve" (IBS) dhe shkakton urth, ulçer dhe të përziera.

A i rrit nivelet e hormonit të stresit?

Një argument tjetër i zakonshëm është se pirja e kafesë me stomakun bosh mund të rrisë nivelet e hormonit të stresit të kortizolit.

Kortizoli prodhohet nga gjëndrat mbiveshkore dhe ndihmon në rregullimin e metabolizmit, presionit të gjakut dhe niveleve të sheqerit në gjak. Megjithatë, nivelet e tepruara kronike mund të shkaktojnë probleme shëndetësore, duke përfshirë presionin e lartë të gjakut, diabetin e tipit 2 dhe sëmundjet e zemrës.

Nivelet e kortizolit arrijnë natyrshëm kulmin në kohën kur zgjoheni, bien gjatë ditës dhe kulmojnë përsëri gjatë fazave të hershme të gjumit.

Interesante, kafeja stimulon prodhimin e kortizolit. Kështu, disa njerëz pretendojnë se pirja e saj në mëngjes - kur nivelet e kortizolit janë tashmë të larta - mund të jetë e rrezikshme.

Sidoqoftë, prodhimi i kortizolit në përgjigje të kafesë duket shumë më i ulët në mesin e njerëzve që e pinë atë rregullisht, dhe disa studime nuk tregojnë aspak rritje të kortizolit. Plus, ka pak prova për të sugjeruar që pirja e kafesë në stomak të plotë e zvogëlon këtë problem.

Për më tepër, edhe nëse nuk e pini shpesh, çdo rritje e niveleve të kortizolit duket se është e përkohshme.

Ka pak arsye për të besuar se një kulm i tillë i shkurtër do të rezultojë në komplikime shëndetësore afatgjata.

Me pak fjalë, efektet negative të niveleve kronike të larta të këtij hormoni ka më shumë të ngjarë të rezultojnë nga një çrregullim shëndetësor si sindroma 'Cushing' sesa nga konsumimi i kafesë.

Efektet e tjera anësore të mundshme

Kafeja mund të ketë gjithashtu disa efekte anësore negative, pavarësisht nëse e pini me stomakun bosh.

Për shembull, kafeina mund të krijojë varësi, dhe gjenetika e disa njerëzve mund t’i bëjë ata veçanërisht të ndjeshëm ndaj saj.

Kjo sepse marrja e rregullt e kafesë mund të ndryshojë kiminë tuaj të trurit, duke kërkuar progresivisht sasi më të mëdha kafeine për të prodhuar të njëjtat efekte.

Pirja e sasive të tepërta mund të çojë në ankth, shqetësim, rrahje zemre dhe përkeqësime të sulmeve të panikut. Madje mund të rezultojë në dhimbje koke, migrenë dhe presion të lartë të gjakut në disa individë.

Për këtë arsye, shumica e ekspertëve bien dakord që duhet të mbani marrjen e kafeinës në rreth 400 mg në ditë - ekuivalente me 4-5 filxhanë (0,95-1,12 litra) kafe.

Meqenëse efektet mund të zgjasin deri në 7 orë tek të rriturit, kafeja gjithashtu mund të prishë gjumin tuaj, veçanërisht nëse e pini atë vonë gjatë ditës.

Më në fund, kafeina mund të kalojë lehtësisht placentën dhe efektet e saj mund të zgjasin deri në 16 orë më shumë se zakonisht në gratë shtatzëna dhe foshnjat e tyre. Prandaj, gratë shtatzëna inkurajohen të kufizojnë marrjen e kafesë në 1-2 filxhanë (240–480 ml) në ditë.

Mbani në mend se pirja e kafesë me stomak bosh nuk duket se ndikon në fuqinë ose frekuencën e këtyre efekteve.

Në fund të fundit

Shumë njerëz e shijojnë kafenë si gjënë e parë që bëjnë në mëngjes para se të kenë ngrënë.

Pavarësisht nga mitet e vazhdueshme, shumë pak prova shkencore sugjerojnë që pirja e saj me stomak bosh është e dëmshme. Përkundrazi, ka të ngjarë të ketë të njëjtat efekte në trupin tuaj pavarësisht se si e konsumoni.

E njëjta gjë, nëse keni probleme me tretjen kur pini kafe me stomak bosh, provoni ta keni atë me ushqim. Nëse vëreni një përmirësim, mund të jetë më mirë të rregulloni rutinën tuaj në përputhje me rrethanat.

*Të gjitha pohimet janë të aprovuara nga burime të besuara

Burimi: Healthline/ Përshtati në shqip: Politiko