Akuzohen se janë pjesë e sadizmit "Dubai Porta Potty, reagojnë ashpër Enca, Linda dhe Kejvina

Disa rrëfime në Twitter dhe Youtube të disa blogereve - tregojnë se si vajzat bëhen të pasura në Dubai dhe ky rrëfim kishte dhe detaje shumë të rënda, të cilat janë komentuar jo pak në rrjetet sociale.

Ky fenomen i quajtur si “Dubai Porta Potty” është një dukuri sadizmi e shprehur nga persona me pushtet, të cilët në këmbim të parave kërkojnë nënshtrim çnjerëzor të femrave.

Pas publikimit të ketij materiali, shumë ndjekës kanë ofenduar disa prej vajzave të famshme shqiptare me komente e mesazhe të shumta negative në rrjetet sociale, duke pretenduar se dhe ato janë bërë të pasura në këtë mënyrë. Disa prej tyre që i kanë ndarë këto mesazhe me ndjekësit e tyre janë këngëtaret Linda Halimi dhe Enca Haxhia dhe modelja Kejvina Kthella.

Linda publikoi në InstaStory një mesazh të tillë me karakter ofendues që kishte marrë në TikTok, me një ndjekës që i shkruante se “të gjitha femrat shqiptare janë bërë pasura”, duke qenë pre e atij akti makabër të “Dubai Porta Potty”.

“Komentet në TikTok-un tim, të bëftë mirë”, shkroi këngëtarja në mesazhin e ndarë me ndjekësit e saj, shoqëruar me disa emoji të qeshurash.

Linda me këtë tregoi se e kishte marrë me të qeshura një koment të tillë, ndërsa shijon suksesin e këngës “Love me like”, të cilën e publikoi vetëm disa ditë më parë. Kujtojmë se Linda Halimi prej vitesh jeton në Amerikë, ëhstë e martuar dhe ka një fëmijë.

Një reagim publik ka bërë dhe Enca. Në disa postime në Instastoty, ajo shkruan se njerëzit bëhen të pasur edhe në mënyra të tjera.

“Shkurt e shqip s’keni nevojë me ngrënë m*t për t’u bërë të suksesshëm/pasur. Por nëse mendoni se kjo është mënyra e vetme, kush jam unë t’ju ndalojë? Ka një arsye pse unë jam këtu dhe ti aty”, shkroi Enca. “Para se të turpëroni veten në mesazhe e komente po ju rikujtoj se unë jam ‘selfmade boss (shefe e vetë-bërë)’ që ka punuar që në moshën 16-vjeçare dhe ka pasur sukses. Mentaliteti i dobët do iu lërë të varfër e të mjerë. Kështu që në vend se të urreni merrni disa leksione nga më e mira. Kam qëndruar në heshtje dhe larg vëmendjes për shumë gjatë dhe keni harruar se kush është mbreti. Gjithashtu, tregoni respekt për artisten e parë shqiptare që hapi rrugën që muzika shqiptare të dëgjohet ndërkombëtarisht”, shkroi ajo në anglisht, duke iu përgjigjur mesazheve negative që kishte marrë në InstaDirect.

Një tjetër emër që mori mesazhe të tilla është edhe Kejvina Kthella, e cila e viziton shpesh Dubain. Kejvina Kthella ka “shpërthyer” në ofendime kundrejt personave që e kanë akuzuar duke kërcënuar çdo portal që merret me të se do i padisë në gjyq.