Dashuria e veçantë mes Winslet dhe Leo DiCaprio, aktorja flet për takimin e tyre pas 3 vitesh: Nuk pushoja së qari

Sado vite të kalojnë, dyshja Kate winslet dhe Leonardo DiCaprio nuk do të harrohet asnjëherë kur në vitin 1997, na vodhën zemrat anembanë globit duke sjellë në jetë një romancë të jashtëzakonshme filmin e famshëm “Titanic”.

Dyshja janë miq të ngushtë dhe në publik kanë dhuruar emocione shumë të të veçanta, teksa "Titanic" nuk është projekti i vetëm i dy aktorëve.

Për shkak të pandemisë COVID-19, dyshja kaluan tre vjet pa u parë, por ribashkimi i tyre i fundit ishte emocional dhe, në një intervistë, Winslet zbuloi se ajo nuk mund të ndalonte së qari.

“Unë e njoh atë për një gjysmë jete. Nuk është se unë jam në Nju-Jork, apo ai në Londër, dhe kemi mundësi për të ngrënë darkë apo për të pirë kafe e për të biseduar”, ka treguar aktorja në një intervistë për The Guardian. “Ne nuk mund të largohemi nga vendet tona. Si shumë miqësi në mbarë botën, na mungon njëri-tjetri për shkak të COVID-19.”

Winslet foli edhe për dashurinë e saj për DiCaprion.

“Ai është shoku im, shoku im shumë i ngushtë. Jemi të lidhur për gjithë jetën”.

Aktorja tregoi se gjatë xhirimeve të Titanikut, ajo mbushi 21 vjeçe, ndërsa Leonardo 22. Më shumë se 25 vite më vonë lidhja e tyre mbetet ende e fortë.