"Nuk po marr dot frymë", Fifi merr vendimin të dalë nga "Big Brother Vip"

Fifi ka vendosur të lërë përfundimisht shtëpinë e "Big Brother Vip". Këngëtarja po kalon momente të vështira dhe që pas mbrëmjes së të martës, kur ajo humbi ndjenjat live në show, duket se nuk e ka gjetur veten dhe nuk po ndihet mirë.

Fifi ua ka komunikuar këtë vendim banorëve dhe u tha se ka nevojë që të dalë jashtë dhe që të merret me veten.

Monika, mikja e saj më e afërt, duket se po e përjeton shumë këtë vendim, e cila shfaqet e mërzitur dhe është duke qarë edhe në këto momente. Pjesa tjetër e banorëve po e ndihmojnë të bëhet gati.