Gjithçka që dimë (deri tani) nga dita e pestë e gjyqit "Johnny Depp-Amber Heard", detaje dhe dëshmi të reja

Siç është raportuar dhe më parë "Court Tv" që po transmeton drejtpërdrejtë rastin e "Johnny Depp- Amber Heard", ka lajmëruar se sot Depp do të dëshmojë për herë të parë qëkur kanë nisur seancat.  Kjo do të jetë hera e parë që dëgjojmë nga aktori gjatë procesit gjyqësor dhe provat e tij mund të jenë kyçe për të gjithë çështjen. Momentalisht, po dëshmon miku i Depp dhe ish-tekniku Keenan Wyatt.

Mësohet se Depp do të merret në pyetje nga ekipi i Heard të mërkurën. Nuk e dimë ende se kur Heard do të japë dëshminë e saj. Procesi i sotëm, i ditës së sotme ka nisur në orën 10 të mëngjesit në Virxhinia, që i bie në orën 16:00 me orën tonë lokale, pra para një ore, kështu që nuk ka shumë kohë për të shkuar tani.

I pari që ka dëshmuar në seancën e sotme ishte  Sean Bett, shefi i sigurimit të Depp.

Në dëshminë e tij, u diskutua një incident që supozohet të ketë ndodhur më 21 maj 2016. Thuhet se kur Depp u kthye në apartamentet e LA me rojën e sigurisë Sean Bett dhe një roje tjetër sigurie të quajtur Jerry Judge atë natë, ndodhi një debat  mes Depp dhe Heard.

Thuhet se kur Depp dhe Heard po debatonin, Depp hodhi një telefon në fytyrën e Heard. Dje, Bett dëshmoi se ishte kur ai dhe Judge vrapuan në dhomë pasi dëgjuan zëra të ngritur, ata panë Heard duke i bërtitur Depp-it që të mos e godiste më; megjithatë, ai thotë se aktorja ishte të paktën 15 deri në 20 metra larg tij në atë kohë. Bett ka pranuar që Depp ishte "i shqetësuar" në atë kohë dhe kishte pirë pak verë para se të mbërrinte. Megjithatë, ai thotë se aktori nuk është shfaqur “i dehur”.

Dëshmitari i dytë, miku i Depp dhe ish-tekniku i zërit, ishte në avion gjatë një incidenti që supozohet të ketë ndodhur në maj 2014 në aeroplan privat që fluturonte nga Bostoni në Los Angeles. Wyatt punonte për tingullin në filmat artistikë dhe liston shumë filma të Depp-it në të cilët ai ka punuar - duke përfshirë "Pirates Of The Caribbean", "Alice In Wonderland" dhe "The Rum Diary" - filmi në të cilin Depp dhe Heard u takuan për herë të parë.

Tekniku i zërit, Keenan Wyatt thotë se ai ka punuar me Depp për 25 vjet në më shumë se 10 filma artistikë, duke thënë se "të punoje me Depp ishte e mrekullueshme." Tekniku tha se "Depp vinte gjithmonë i përgatitur dhe ndonjëherë rishkruante një pjesë të skenarëve të tij në mëngjes, duke ndryshuar rreshtat e tij."

Ai përshkroi dhe marrëdhënien e Johnny Depp me fëmijët e tij dhe tha se është një baba shumë i përkushtuar dhe se kurrë nuk u ka bërtitur atyre.

"Unë kurrë nuk kam parë Johnny të abuzojë me askënd, kurrë,"- tha Keenan Wyatt.

Wyatt ka sjellë një incident rast në vitin 2014, kur po fluturonin me një avion privat. Ai tha  se kishte disa njerëz në fluturim, duke përfshirë anëtarët e ekipit të sigurisë së Depp, asistentët e Depp dhe djalin e tij Jack. Ai tha se gjatë fluturimit, Heard ndryshoi papritur humorin, u bë e zhurmshme dhe i bërtiti atij (Wyatt) që të "ikte" prej saj. Ai thotë se Depp e mbrojti atë dhe i tha asaj "mos fol kështu me mikun tim".

Wyatt thotë se ai u kthye në vendin e tij dhe u largua nga Heard, por nga pozicioni i tij mund t`i shihte qartë  Depp dhe Heard. Ai thotë se nuk ka parë dhunë.