Këto janë datat më të rëndësishme të nëntorit

Pa u ndjerë fare, po mbyllet edhe viti 2025 dhe astrologjia premton ndryshime dhe zbulime të mëdha për muajin nëntor, fiks para mbylljes së një viti që as s’e kuptuam kur nisi dhe kur bitisi.

Fillimi i muajit na gjen në sezonin e Akrepit, që të ndihmon të lidhesh me anën tënde të errët. Javët në vijim do të të ndihmojnë të eksplorosh ndjenjat që zakonisht i injoron dhe të pranosh pjesë të vetes që ndonjëherë i fsheh apo i mohon.

Ky është një moment shërimi, rilindjeje dhe thellimi të intimitetit në marrëdhëniet e ngushta.

4 nëntor: Marsi hyn në Shigjetar

Më 4 nëntor, Marsi, planeti i veprimit dhe motivimit, kalon në Shigjetar, shenjën e lirisë dhe aventurës. Njerëzit ndihen më pasionantë dhe të fuqizuar për të mbrojtur atë që besojnë. Kjo mund të sjellë energji për debat, por gjithashtu na inkurajon të zgjerojmë mendjen dhe horizontet tona. Përpiqu të shohësh nga këndvështrimi i tjetrit dhe të marrësh parasysh të gjitha perspektivat. Disa mund të bëhen më agresivë, por kjo periudhë sjell edhe besim dhe guxim për të marrë rreziqe.

5 nëntor: Hëna e plotë në Dem

Hëna e plotë në Dem, më 5 nëntor, mund të lidhet me ndryshime financiare, ndoshta përfundon një punë, merr një rol të ri ose bën një zgjedhje të rëndësishme ekonomike. Ky është moment i fuqishëm për ushtrime që të ndihmojnë të lidhesh me trupin dhe të qëndrosh në të tashmen.

6 nëntor: Afërdita hyn në Akrep

Më 6 nëntor, Afërdita, planeti i dashurisë, hyn në Akrepin sensual. Tre javët në vijim do të jenë “gjithçka ose asgjë” në çështjet e zemrës! Do të eksplorosh frikërat, besimin, intimitetin dhe të panjohurën. Mund të dalin në sipërfaqe ndjenja xhelozie, por kjo është një periudhë shëruese për të treguar ndjenjat e tua të vërteta dhe për t’u lidhur në mënyrë autentike me të tjerët.

9 nëntor: Mërkuri në prapavijë!!!

Më 9 nëntor Mërkuri nis prapavijën në Shigjetar, duke sjellë keqkuptime dhe vonesa. Kujdes gjatë udhëtimeve! Lër pak më shumë kohë përpara çdo takimi apo ngjarjeje të rëndësishme dhe kontrollo gjithçka 2 herë!

11 nëntor: Jupiteri nis prapavijën në Gaforre

Më 11 nëntor, Jupiteri nis prapavijën në Gaforre! Është koha për të reflektuar mbi ëndrrat dhe besimet personale. Mund të duket sikur e ke të vështirë të ecësh përpara me disa qëllime, por kjo është mundësi për t’i rishikuar dhe për t’i përmirësuar. Mund të shfaqet një rrugë e re, një interes ose një mundësi e papritur. Jupiteri lidhet edhe me drejtësinë dhe besimet; mund të rishqyrtosh këto tema dhe të mendosh si të kontribuosh më shumë në shoqëri.

18 nëntor: Mërkuri në prapavijë kthehet përsëri në Akrep

Gjërat thellohen emocionalisht më 18 nëntor kur Mërkuri në prapavijë kthehet përsëri në Akrep. Javët në vazhdim të ndihmojnë të përballesh me pasiguritë, frikën, trishtimin apo ndjenjat e fajit. Kthimi te praktikat shëruese është mënyra më e mirë për ta përballuar këtë energji! Po kalon një moment transformimi të thellë personal. Një version i ri është në horizont.

19 Nëntor: Hëna e re në Akrep

Hëna e re në Akrep më 19 nëntor të fton të lësh pas të shkuarën. Kjo ngjarje qiellore lidhet me Uranin, ndaj mund të sjellë ngjarje të papritura ose vendime impulsive. Megjithatë, ato mund të të ndihmojnë të çlirohesh nga diçka që të ka mbajtur peng.

27 nëntor: Saturni fillon lëvizjen direkte te Peshqit

Më 27 nëntor, Saturni nis lëvizjen direkte te Peshqit, duke të kujtuar kufijtë e tu dhe përgjegjësitë personale. Kjo ditë sjell një ton serioz dhe një ndjenjë që nuk mund ta injorojë realitetin. Është momenti për të reflektuar mbi detyrimet që ke.

30 nëntor: Afërdita hyn në Shigjetar

Muaji përmbyllet më 30 nëntor, kur Afërdita, planeti i dashurisë dhe kreativitetit, kalon në Shigjetar. Javët në vijim do të sjellin më shumë argëtim, lojëra dhe mundësi në dashuri. Beqarët mund të takojnë dikë gjatë udhëtimeve apo në shkollë, ndërsa çiftet do të kërkojnë lidhje më të thella. Ky është gjithashtu moment i shkëlqyer për të ndjekur kureshtjen tënde dhe për të mësuar gjëra të reja.