Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Koncert bamirësie për Ukrainën me yjet botëror, mblidhen miliona dollarë

Politiko 30 Mars 2022, 16:34

Koncert bamirësie për Ukrainën me yjet botëror, mblidhen

Fjalët prekëse të refugjatëve ukrainas dhe një performancë e këngëtares fituese të Eurovizionit të vitit 2016, ofruan momente të fuqishme teksa një koncert i mbushur me yje botëror në Birmingham mblodhi 12.2 milionë paundë. Superyjet e popit si Ed Sheeran, Camila Cabello dhe Emeli Sande ishin ndër artistët në Koncertin për Ukrainën.

Jamala bëri një interpretim të pasionuar të këngës së saj fituese të Eurovizionit të vitit 1944. Dhe historitë e dy ukrainasve u vendosën në qendër të skenës kur u lexuan nga aktorët Tamsin Greig dhe Eddie Marsan.

Violinisti skocez Nicola Benedetti shoqëroi aktorët teksa ata jepnin rrëfimet e tmerrshme të arratisjes nga pushtimi rus. Aktorja Greig lexoi fjalët e Natalyas, e cila kaloi tre ditë duke u strehuar në një bodrum në Kharkiv përpara se të nisej me një tren të mbipopulluar, më vonë zbuloi se apartamenti i saj dhe universiteti ishin shkatërruar.

Sheeran u ngjit në skenë solo për një set me dy këngë të hiteve të tij "Perfect" dhe "Bad Habits". Ai i tha audiencës: “Faleminderit shumë që erdhët. Është një kauzë kaq e rëndësishme dhe jam shumë i nderuar që jam këtu.”

Superylli i popit Camila Cabello u mbështet nga një seksion me tela për një performancë të hitit të Coldplay Fix You përpara se të bashkohej me Sheeran për një debutim live të këngës së tyre të re "Bam Bam".

Ajo i tha turmës: “Ne po lutemi sonte për paqen dhe sigurinë e njerëzve në Ukrainë”.

Më pas, Marsan shprehu fjalët e Artemit, i cili kaloi katër ditë duke udhëtuar drejt Rumanisë me fëmijët e tij të traumatizuar. Performanca e Benedettit u bashkua me një video virale të violinistit ukrainas Illia Bondarenko duke luajtur një këngë popullore ndërsa ishte strehuar në një bodrum, i shoqëruar praktikisht nga 94 violinistë të tjerë nga e gjithë bota.

Ai segment ofroi një perspektivë kthjelluese në një natë kur disa nga emrat më të mëdhenj të muzikës dhanë performanca që varionin nga ato të zymta deri tek ato emocionuese.

Në rast se dëshironi të shihni koncertin e plotë, e keni më poshtë:

Të fundit