Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Nga shtatzënia e papritur, ndarja me Ledrin e deri te ‘problemi’ i dasmës, Sara Hoxha jep detaje për jetën e saj

Politiko 8 Nëntor 2021, 17:02

Nga shtatzënia e papritur, ndarja me Ledrin e deri te

Sara Hoxha është bërë në një personazh shumë simpatike dhe e dashur për publikun. Ajo u bë e njohur për shkak të lidhjes me reperin Ledri Vula, por ka arritur të fitojë zemrën e shumë fansave me sjelljen e saj, mirësinë dhe stilin.

Sara, tashmë i është futur edhe rrugës së "vlogërimit" ku ka postuar dhe vlogun e saj të parë, ku flet për shumë detaje të jetës së saj dhe marrëdhënien me Ledrin.

E pyetur nëse shtatzënia ishte e papritur për të, ajo rrëfeu se ishte e menduar, por erdhi në një moment të papritur.

“Shtatzënia ishte e menduar. E menduar sepse ne kishim një vit që provonim dhe nuk po ndodhte, por ndodhi në një moment që ne nuk e prisnim fare. Dhe na lumturoi akoma më shumë fakti që ne nuk e prisnim fare në atë moment që ndodhi. Kështu që çdo gjë ndodh për një arsye.”

Ajo foli edhe për gjidhënien, për të cilën tha se ishte një proces shumë i vështirë dhe i dhimbshëm për të, por që ia ka vlejtur.

“Po, gjidhënien e kam pasur shumë problem. Mendoja se isha shumë e përgatitur për këtë periudhë pas shtatzënisë, por ishte diçka shumë e vështirë për mua, diçka shumë e dhimbshme. Dhe unë kam bërë vërtet çmos që t’i jepja Poem gji, sepse doja patjetër ta bëja. Për këtë gjë unë nuk jam penduar në asnjë moment, edhe kur i mendoj të gjitha ato gjëra dhe probleme që kam kaluar, ia ka vlejtur,” -tha Sara.

Sigurisht që s’kishte si të mungonte pyetja e dasmës, për të cilën Sara tha se kanë një “problem” që nuk e kanë zgjidhur akoma.

“Ne kemi qejf të bëjmë një dasmë. Problemi më i madh deri tani është se nuk e kemi vendosur akoma nëse do të bëjmë një dasmë shumë të madhe, apo një dasmë të vogël, private, modeste, të thjeshtë, ashtu siç kam qejf unë. Këtë gjë akoma nuk e kemi vendosur, por që kur ta vendosim do e merrni vesh edhe ju, patjetër.”

Një tjetër pyetje shumë e shpeshtë për të ishte nëse është zënë apo ndarë ndonjëherë me Ledrin. Sara tha se sigurisht që janë zënë, madje edhe janë ndarë, por prapë e kanë gjetur rrugën te njëri-tjetri.

Vlogun e plotë, me të gjitha pyetjet e tjera, mund ta shihni më poshtë:

Të fundit