Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Një miqësi si e Kylian Mbappe dhe Achraf Hakimi

Politiko 16 Dhjetor 2022, 14:54

Një miqësi si e Kylian Mbappe dhe Achraf Hakimi

Mbappe i thotë Hakimit: ‘Bëre histori’ në Kupën e Botës

Pasi Franca shkatërroi shpresat e Marokut në gjysmëfinalen e së mërkurës, dy miqtë e ngushtë këmbyen bluzën, përqafime dhe respekt.

Ndërsa bilbili i fundit ra të mërkurën mbrëma në Al Khor, lojtarët marokenë ranë në tokë në një kulm zhgënjimi dhe lodhjeje fizike. Mes festimeve të egra nga lojtarët francezë, superylli i tyre, Kylian Mbappe, mund të shihej duke u endur me shokët e tij përpara se të përkulej mbi mikun e tij mw të mirë dhe mbrojtësin e fortë të mbrojtjes marokene, Achraf Hakimi. Ai e ndihmoi mbrojtësin e krahut të ngrihej përpara se të dy miqtw të ndanin një përqafim të ngrohtë.

Një miqësi si e Kylian Mbappe dhe Achraf Hakimi

Momenti emocionues pasqyron respektin e sinqertë dhe publik që dy miqtë i treguan njëri-tjetrit gjatë paraqitjes së parë gjysmëfinale të Marokut në Kupën e Botës. Para ndeshjes, të dy ishin dukshëm të kënaqur kur panë njëri-tjetrin duke shtrënguar duart dhe duke u përqafuar në tunel, dhe gjatë lojës u panë duke ndarë një shaka. Dhe mezi nja dy orë pas ndeshjes, Mbappe bëri publik respektin për mikun e tij dhe skuadrën marokene.

“Mos u trishto vëlla, të gjithë janë krenarë për atë që ke bërë, ke bërë histori”, ka postuar ylli francez në Twitter, me një imazh të miqve të përqafuar.

Është një miqësi e kahershme që ka lulëzuar që kur Hakimi u transferua në Paris Saint-Germain – ku luan edhe Mbappe – në vitin 2021. Ata shpesh shihen duke u shoqëruar me njëri-tjetrin jashtë futbollit, duke përfshirë një pushim të përbashkët në Spanjë.

Hakimi më herët ka mbrojtur Mbappe-n kur u shfaq mundësia e largimit të tij nga PSG. “Është kënaqësi ta kem atë pranë meje. Ai është një nga lojtarët më të mirë në botë, por mbi të gjitha është miku im. Unë e dua atë”, kishte thënë Hakimi për Telefoot në prill.

Pas ndeshjes, të dy lojtarët këmbyen fanellat, me Mbappe të veshur me fanellën e Hakimit prapa përpara, duke u siguruar që emri i shokut të tij të ishte më i dukshëm gjatë festimeve të tij. Në tunel, të dy u panë të ulur, duke biseduar së bashku.

Të fundit