Parukierja ushtron profesionin e saj në akull si shenjë proteste ndaj kufizimeve prej Covid-19

Parukierët në Letoni po ndërmarrin hapin e pazakontë të ofrimit të shërbimeve të tyre në pyje me dëborë ose në liqene të ngrira ndërsa protestojnë kundër kufizimeve të Covid.

"Ne nuk mund të punojmë ndryshe," ka thënë për AFP parukierja Diana Silina, ndërsa përgatiste pajisjet e saj në sipërfaqen e akullt të një liqeni jashtë kryeqytetit Riga.

Sallonet e bukurive dhe SPA-të janë mbyllur në Letoni që nga 21 Dhjetori dhepo ashtu edhe daljet në natyrë janë të kufizuara në një maksimum prej dy personash - kështu që parukierët marrin vetëm një klient.

"Ne nuk e dimë nëse edhe kjo mënyrë është plotësisht e ligjshme, por duhet të përpiqemi, përndryshe nuk kemi fare të ardhura," tha Silina.

Parukerja tha se i dashuri i saj po e mbështeste atë financiarisht dhe nuk donte që ajo të rrezikonte një gjobë prej 500 euro (600 dollarë).

Një mbështetëse e nismës, këshilltarja e qytetit të Rigës, Ieva Brante, ka postuar gjithashtu një video të saj duke bërë flokët në mes të një pylli.

"Duke qenë një avokate, unë mbështes njerëzit që gjejnë mënyra ligjore rreth rregulloreve, nëse kjo i lejon ata të punojnë dhe të fitojnë jetesën e tyre," tha ajo në Facebook.

Parukierja e Brante Zane Melnace u citua nga media polake, teksa ajo shprehej se po i quante seancat "trajnim në natyrë" për të anashkaluar rregullat.

"Unë dua të punoj! Zyrtarisht! Dhe tani! Jo në tre javë, dy muaj ose ndoshta edhe pas një gjysmë viti! Unë nuk mund të pres më gjatë, sepse pagesat mujore për apartamentin dhe kredinë duhet të bëhen tani," ajo tha.

Brante tha për AFP se pasi postoi videon ajo u kontaktua nga policia por nuk kishte marrë një gjobë.

Gjatë një takimi qeveritar, Ministri i Shëndetësisë Daniels Pavluts gjithashtu thuhet se sinjalizoi mbështetjen e tij të heshtur për iniciativën, duke thënë: "Rregullimi i flokëve në pyll është absolutisht në rregull!"

Por dy shoqata profesionale që përfaqësojnë estetistët dhe parukierët kanë kërcënuar se do të padisin qeverinë në Gjykatën Kushtetuese nëse puna e tyre nuk lejohet të rifillojë në një formë apo në një tjetër.

"Vendimi për të ndaluar shërbimet tona u mor pa u konsultuar me ne dhe pa statistika që tregojnë se parukeritë përhapin Covid-19", shkruajnë në një deklaratë drejtuesit e shoqatave 'Sabine Ulberte' dhe 'Renate Reinsone'.

Përshtati në shqip: Politiko/ Burimi: Yahoo! News