Flash News

Tronditje në qeverinë e Johnson, japin dorëheqjen dy ministrat e kabinetit britanik

Mali i Zi më afër BE-së, mediat vendase zbardhin ‘paktin’ e fshehtë të Gjukanoviç me liderët evropianë

63 mln euro mashtrim me TVSH, të përfshira kompani që fitojnë kontrata publike

Rritet ndjeshëm numri i të prekurve me Covid-19, dy humbje jete në 24 orët e fundit

Gazetari i majtë: Do jem në protestën e 7 korrikut! Do iki nga Shqipëria nëse situata nuk ndryshon

POLITIKOFF

Pse pakot e patetinave janë gjysmë bosh?

Politiko 22 Qershor 2022, 14:54

Pse pakot e patetinave janë gjysmë bosh?

Ju ndoshta keni menduar shpesh herë se shitësit ju tradhtojnë sa herë që blini një pako me patatina. Në pamje të parë, duket se brenda ka më shumë ajër sesa patatina. Megjithëse kjo është e vërtetë, nuk bëhet fjalë për asnjë lloj mashtrimi, por për një gjë jashtëzakonisht praktike.

Prodhuesit lënë qëllimisht hapësirë për një arsye të mirë. Kjo mbron patatet e skuqura nga dëmtimet që mund të ndodhin gjatë transportit dhe lëvizjes nga një vend në tjetrin. “Ajri” në to është një mbrojtje e shkëlqyer në mënyrë që ushqimi të mos shkatërrohet.

Nga ana tjetër, qeset nuk përmbajnë ajër, por azot. Oksigjeni mund të bëjë që patatet të prishen dhe lagështia në të mund t’i bëjë patatet të zbehta. Për të shmangur këtë, prodhuesit e mbushin paketimin me azot, i cili gjithashtu i mban patatet e skuqura të freskëta dhe krokante. Në SHBA, si në shumë vende të tjera, patatet janë një element kryesor i ditës, veçanërisht në format e përpunuara.

Sipas Departamentit të Bujqësisë së Shteteve të Bashkuara (USDA), patatet e përpunuara, duke përfshirë patate të skuqura dhe patatina, përbënin 64% të përdorimit total të patates në vend gjatë viteve 2000, krahasuar me vetëm 35% në vitet 1960. Ndërsa patatet mund të jenë pjesë e një diete të shëndetshme, disa studime kanë treguar se konsumimi i tyre në masë mund të përbëjë rreziqe për shëndetin. Një studim i vitit të kaluar, përshembull, zbuloi se ngrënia e katër ose më shumë racioneve me patate çdo javë mund të rrisë rrezikun e presionit të lartë të gjakut. 

Disa ekspertë të Universitetit të Miçiganit në SHBA dolën në konkluzionin se njerëzit kanë tendencë të krijojnë varësi vetëm ndaj një grupi ushqimesh, atyre të përpunuarave. Ushqimet të cilat krijojnë më shumë varësi janë ato me shumë sheqer, yndyrë apo ushqimet që i përmbajnë të gjithë këta përbërës. Lista e saktë që duhet evituar sipas ekspertëve është kjo: Picat, çokollata, patatinat, biskotat, akullorja, patatet e skuqura, mishi i skuqur, pijet energjike, tortat, djathi, ushqimet e skuqura, karamelet, kokoshkat.

Të fundit