Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Së shpejti ChatGPT do të ketë një konkurrent

Politiko 17 Prill 2023, 15:06

Së shpejti ChatGPT do të ketë një konkurrent

Miliarderi i teknologjisë Elon Musk thuhet se është gati të hedhë modelin e tij të AI konkurrent të ChatGPT. Fusha e inteligjencës artificiale muajt e fundit ka përjetuar një shpërthim të paprecedentë me modele të tilla si ChatGPT ose GPT4.  Sipas raporteve pronari i Twitter po planifikon një kompani të AI për të konkurruar me OpenAI, i cili krijoi ChatGPT. Ai ishte një nga bashkëthemeluesit e OpenAI në 2015 por u largua tre vjet më vonë.

Të dhënat publike nga Nevada tregojnë se më 9 mars ai themeloi një kompani të quajtur X.AI në të cilën ai është drejtor i vetëm. X Corp do të jetë gjithashtu një kompani ombrellë nën të cilën do të bien të gjitha bizneset e Musk, përfshirë Twitter. Financial Times raporton se Musk, është duke ndërtuar ekipin e studiuesve dhe zhvilluesve, ndërkohë që po bisedon edhe me investitorët.

Thashethemet thonë se ai bleu mijëra GPU, procesorë të specializuar të përdorur në kërkimin e inteligjencës artificiale. Microsoft, Google dhe Amazon, si dhe shumë kompani më të vogla, kanë filluar tashmë luftën e AI. Përballë zhvillimeve të stuhishme, Musk kishte nënshkruar një peticion së bashku me 1800 figura të fushës së teknologjisë për të pezulluar kërkimet në inteligjencën artificiale për gjashtë muaj derisa të sqarohen disa çështje etike. Por sipas Guardian, u zbulua se disa nga nënshkrimet ishin falsifikuar. Thirrjet për të pezulluar zhvillimin e inteligjencës artificiale nuk do të zgjidhin sfidat. Këtë ka pohuar së fundmi bashkëthemeluesi i Microsoft, Bill Gates. Gates deklaroi se do të ishte më mirë të përqendroheshim në mënyrën më të mirë të përdorimit të zhvillimeve në Inteligjencë Artificiale. Intervista e tij me Reuters vjen pasi një letër e hapur që u publikua javën e kaluar dhe u nënshkrua nga Elon Musk dhe më shumë se 1,000 ekspertë të AI-s kërkoi një pauzë urgjente në zhvillimin e sistemeve të AI-s.

Të fundit